Osakidetzak helegitea jarri dio lan-arriskuen araudiari buruzko epaiari

ESK sindikatuak "zer aldatu den" galdetu dio Jaurlaritzari, ebazpenaren "balorazio positiboa" egin eta egun batzuetara helegitea jartzea erabakitzeko.

Osasun-arloko hainbat profesional, Txagorritxuko Ospitalea atzean dutela. Argazkia: EFE

Agentziak | Erredakzioa

2020/07/17 - 09:24

Azken eguneratzea

2020/07/17 - 10:11

COVID-19ak eragindako osasun arloko krisian, Osakidetzak ez zuela bere plantillako lan-arriskuen prebentzioari buruzko araudia bete adierazten duen epaiaren aurrean helegitea jarri du euskal osasun zerbitzuak, ESK sindikatuak ohar baten bidez jakitera eman duenez. Hain zuzen ere, sindikatu horrek jarri zuen salaketa EAEko Justizia Auzitegi Nagusian (EAEAN), eta, ondoren, beste sindikatu batzuek bat egin zuten horrekin.

Sindikatuak gogora ekarri duenez, uztailaren 2an emandako epai horretan, Osakidetzak ez zuela bere langileen lan-osasunaren zaintza egokia bermatzeko "betebeharra bete" ebatzi zuen EAEANek, eta "langileen babeserako beharrezkoak diren neurri guztiak hartzera behartu zuen".

ESK sindikatuaren esanetan, "harrigarria bada ere", epaia ezagutu eta biharamunean, euskal osasun zerbitzuak "epaiaren irakurketa positiboa" egin zuen ohar batean; izan ere, "COVID-19ak eragindako pandemiaren ondorioz lan-arriskuen prebentzioaren arloan sindikatuek egindako eskaera gehienak ezetsi zituen EAEANek".

Halaber, sindikatuaren iritziz, alderdi politikoek EiTBko hauteskunde eztabaidan epai horri buruz egindako aipamenei "ildo beretik" erantzun zien Iñigo Urkulluk.

ESK sindikatuak gaineratu duenez, ostegun honetan jakin du Osakidetzak epaitegietan "epai horren aurkako helegitea aurkezteko asmoa" duela. Horren aurrean, "uztailaren 3tik hona zer aldatu den" galdetu dio Eusko Jaurlaritzari, orduan Osakidetzak epaiaren "balorazio positiboa" egin zuen arren, orain "helegitea aurkeztea erabaki duelako".

Sindikatuak "Eusko Jaurlaritzaren eta EAJren jarrera manipulatzailea" salatu du; izan ere, "hauteskunde-kanpainan ez dute zalantzarik izan epaia Osakidetzaren kudeaketak langileei eragin dien kaltea arintzeko erabiltzeko, eta orain, hauteskundeak egin ostean, Osakidetza Lan-arriskuen Prebentzio Legea ez betetzeagatik zigortzen duen epai baten errealitatea onartzea erabaki dute".

Hori dela eta, "azken hilabeteetan euskal ospitaleetan gertatutakoa ez errepikatzeko ahalegin guztiak" egiteko eskatu die sindikatuak EAJri eta Osasun sailburuari, "telebistan eta epaitegietan itxurakeriak egiten saiatu ordez".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa izango da abuztuaren 1etik.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.