32.794 herritarrek Galiziara bidaiatzeko inprimakiak bete dituzte jada Hegoaldean
32.794 herritarrek Galiziara bidaiatzeko inprimakiak bete dituzte jada Hego Euskal Herrian, Galiziako Xuntak astearte honetan jakitera eman dituen datuen arabera. Izan ere, uztailaren 29tik harremanetarako datuak jakinarazi behar zaizkie tokiko osasun-agintariei, koronabirusari aurre egiteko asmoz. Galiziara joateko datuak bete dituzten bidaiari gehienak Euskal Autonomia Erkidegoan (EAE) bizi dira.
Hain zuzen ere, neurria indarrean sartu zen egunetik, 29.783 pertsona joan dira Galiziara EAEtik, 24.150 Kataluniatik, 3.674 Aragoitik, 3.011 Nafarroatik eta 1.828 Errioxatik.
Halaber, une horretan "arrisku epidemiologiko handia" zuten herrialdeetatik iritsitako 449 bidaiari zenbatu dira. Zehazki, Ameriketak Estatu Batuetatik (AEB) 121, Luxenburgotik 75, Mexikotik 75, Brasildik 46, Dominikar Errepublikatik 42, Errumaniatik 33, Txiletik 22, Ekuadorretik 16, Perutik 11 eta Kolonbiatik 8.
Gainerako kasuak lehen aipatutakoak baino "arrisku epidemiologiko txikiagoa" duten beste herrialde batzuetako bidaiariei dagozkie, edo borondatez erregistratu ziren bidaiariei, nahitaez izena eman behar duten lurraldeetatik kanpo bizi direlako.
Galiziara iristen diren bidaiari guztiek, iritsi aurreko 14 egunetan Galiziakoa baino 3,5 aldiz eragin epidemiologiko handiagoa duten lurraldeetan egon badira, egonaldiak irauten duen bitartean haiekin kontaktuan jartzeko datuak jakinarazi behar dizkiete osasun arloko agintariei.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan erregistratutako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.