Gaztela eta Leonek Aranda Duero bakartu du, COVID-19aren eragin handiagatik
Gaztela eta Leongo Gobernuak euste-plana onartu du, 32.000 biztanletik gora dituen eta Burgosen dagoen Aranda Duero 14 egunez bakartzeko; izan ere, koronabirusaren eragin-tasa handia da bertan. Planaren helburua da gaitzaren balizko transmisio komunitarioa geldiaraztea.
Plana ostiraleko 08:00etan sartuko da indarrean, Gaztela eta Leongo Aldizkari Ofizialean argitaratuta, eta, horren ondorioz, Aranda Duero 1 fasera bueltatuko da. Arandan gero eta kutsadura-kasu gehiago daude; oinarrizko osasun-eremuetan, ostegun honetan, ia 200 kasu zenbatu dituzte: 131 Iparraldeko eremuan, eta 68 Hegoaldekoan.
Bakartzea, berez, 14 egunerakoa da; baina epea luzatzeko aukera dago. Arandan soilik ezarriko dute, ez inguruko udalerrietan, Gaztela eta Leongo Gobernuak Burgosen duen ordezkariaren esanetan. Kutsatuen batez besteko adina 35 urtekoa da, eta gehienak asintomatikoak dira.
Euste-planean, ondorengo neurriak daude: Aranda Duerora sartzea eta bertatik irtetea mugatua izango da; Arandako errepideetatik ibilgailuz joatea baimenduta egongo da, baldin eta ibilbidearen jatorria eta helmuga udalerritik kanpo badaude; Aranda Dueroko herritarrek baimenduta izango dute kaleetatik ibiltzea, oinez edo autoz, baina aholkua da zirkulazioa ahalik eta gehien murriztea eta funtsezkoak ez diren jarduerak saihestea; eta adinekoen egoitza-zentroetan, bisitak eta egoiliarren irteerak bertan behera utzi dituzte.
Gainera, gehienez, hamar herritar bildu ahalko dira, leku publikoetan zein pribatuetan, elkarrekin bizi diren pertsonak ez badira, eta lagunarteen jarduerak bertan behera utzi dituzte.
Zure interesekoa izan daiteke
Gasteizek gogortu egingo du animalien ordenantza: 200 euro pixa eta gorozkiak ez garbitzeagatik, nahitaezko asegurua eta 100.000 eurorainoko isunak
Ordenantzaren eguneraketak arau-hauste arinak gogortuko ditu: egun 750 eurotik beherakoak eta 3.000 eurora iritsiko dira orain. Berritasunen artean, animalien pixa urez garbitzeko betebeharra dago, eta hori ez betetzeak 200 euroko isuna izango du.
Trafikoa bere onera etorri da N-634an, Galdakao parean, istripu baten ondorioz ia bi orduz itxita egon ondoren
Ezbeharra 14:45ean gertatu da Kortederrako gasolindegitik gertu, 96. kilometroan. Auto batek eta kamioi batek elkarren kontra jo dute, eta pertsona bat zauritu da.
Sua berriro piztu da Derion, goizaldean itzali eta ordu gutxira
Sua asteleheneko 20:30ak aldera piztu zen San Isidro auzoko baso-eremu batean, Loiuko aireportutik gertu. Suhiltzaileek sugarrak erabat itzaltzea lortu zuten arren goizaldeko 05:30ak aldera, sua berriro piztu da eta lanean ari dira une honetan, sugarrak itzaltzen.
Zestoako jaietan pertsona bati egindako eraso "bortitza" salatu dute
Udalak ohar baten bidez jakinarazi duenez, lagun bat "bortizki" kolpatu zuten, eta erasoaren ondorioz, hezur haustura eta buruan zauriak izan zituen. Hori dela eta, ospitalera eraman zuten, eta Neurologia Zerbitzuan dago ingresatuta. Bestalde, Segurtasun Sailak zehaztu du irailaren 9ko gauerdian gertatu zela erasoa, eta biktima 40 bat urteko gizonezko bat dela.
Sexu-askatasunaren aurkako delituak batez beste % 8 hazi dira Euskadin
2025ean 2.200 kasu salatu ziren. Fiskaltzaren memoriak ohartarazi duenez, adingabeei zuzendutako prebentzio eta kontzientziazio lanak "ez dira funtzionatzen ari".
Justizia Anderrentzat plataformak gezurretan aritzea leporatu die Santurtziko Udalari eta poliziari
Ander S. T. poliziaren indarkeriak hil zuela frogatuko omen dute prozesu judizialean, eta frogetako bat aurkeztu dute: atxiloketaren bideoa. Plataformak manifestazioa deitu du urriaren 3an.
Ikasle-egoitza ala partekatutako pisua? Unibertsitateetako egoitzen eskariak gora, alokairuen garestitzeagatik
Etxebizitza partekatua aurkitzea gero eta zailagoa da, eta egoitza eta pisuaren arteko prezio-aldea txikitu egin da. Ikasle-egoitza batzuk %100eko okupaziotik gertu daude: erosotasunak, zerbitzuek eta banakako gelek gero eta ikasle gehiago erakartzen dituzte.
Espetxera eraman dute motozerra batekin hainbat gazte mehatxatu zituen gizona
Leporatzen dizkioten gertakariak irailaren 12ko goizaldean jazo ziren. Aurrekari polizialak zituen gizon hori hainbat pertsonari segika ibili zen Algortan, motozerra bat eskuetan zuela.
Eguraldi aldaketa gaurtik aurrera, eta euria asteazkenerako zein ostegunerako
Goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Itzali dute Derion, Loiuko aireportutik gertu, piztu zen sutea
20:30 aldera piztu zen sutea San Isidro auzoko pampa baso batean, Aiartza mendian; eta gauean lanean arituta, 05:30 alderako itzaltzea lortu dute suhiltzaileek. Suteak ez du eraginik izan aireportuaren funtzionamenduan, ezta etxebizitzetan ere, baina inguruko baserrietan bizi diren bi pertsona etxetik atera zituzten badaezpada ere.