Bilboko Konpartsek bertan behera utzi dute Aste Nahasia
Bilboko jaietako konpartsen koordinatzaileak uko egin dio Aste Nagusiko programa ofizialaren ordez antolatutako "jarduera ludiko eta kulturalen programa xumea" gauzatzeari. Aste Nagusia maiatzean utzi zuten bertan behera, koronabirusaren osasun-krisiaren ondorioz.
Bilboko Konpartsek astearte honetan jakinarazi dutenez, ekitaldi alternatiboak bertan behera uzteko erabakia astelehen gauean hartu zuten taldea osatzen duten jaietako talde guztiek aho batez, "bizi dugun egoerak baldintzatuta", Bizkaian, oro har, eta Bilbon, bereziki, koronabirus bidezko kutsatze ugari izaten ari direlako.
Koordinakundearen esanetan, abuztuaren 22an hasi behar ziren jai- eta jolas-ekitaldi alternatiboak programatzerakoan, "osasun-neurri zorrotzenak" bultzatu zituzten "parte-hartzaileen osasuna bermatzeko", baina, azkenean, azken asteetan Bilbon eta EAEn "COVID-19aren hedapen handiaren aurrean talderik txikiena ere ez sustatzea" erabaki dute.
Bestalde, konpartsek Bilboko Udalaren "inposizioak" eta programa alternatiboa egiteko jarri dituen "oztopoak" kritikatu dituzte, "jardueren baimenak erabat baldintzatu dituztenak".
Konpartsek martxotik (koronabirusaren krisia piztu zenetik) aldarrikatu dutenez, "herri honek irribarrea, ilusioa, itxaropena eta jai gogoa behar ditu", baina, uztailean esan zuten bezala, "ZIUak bete gabe". Horregatik, "osasun, prebentzio eta elkarrekiko zaintza irizpideak" lehenetsi dituzte, jai egiteko gogoaren aurrean.
Konpartsen erabaki horrek udal talde guztiek asteon sinatutako adierazpen instituzionalari erantzuten dio. Adierazpen horretan, Bilboko Udalak aurten jairik ez egiteko eskatu die Aste Nagusian ekitaldiak antolatu ohi dituzten eragile guztiei (Bilboko Konpartsei, bereziki), ahal den neurrian pertsonen kontzentrazioak ez izateko, COVID-19a zabal ez dadin.
Jai esparruan 7 egunetan 24 ekitaldi izango dituen jai egitarau alternatiboa egiteko eskaera baztertzeko eskatu die Udalak Bilboko Konpartsei, "errespetuagatik, erantzukizunagatik eta herritarrekiko elkartasunagatik".
Gainera, orain arte eskatutako ekitaldi guztiak edo espazio publikoan egiteko eska daitezkeenak ukatu egingo direla iragarri du Udalak, eta bilbotarrek arduraz jokatuko dutela gaineratu du.
Zure interesekoa izan daiteke
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.