661 positibo gehiago EAEn azken orduetan, 105 kutsatu eta hildako bat Nafarroan
Euskal Autonomia Erkidegoak 661 positibo berri atzeman ditu azken 24 orduetan PCR proba bidez, pandemia hasi zenetik hirugarren zifrarik altuena. Euskadin jakinarazitako kasu berrietatik 388 Bizkaian izan dira, 143 Gipuzkoan eta Araban 129 atzeman dira. Gainera, EAEtik kanpo bizi den beste pertsona batek ere positibo eman du.
35 pertsona gehiago ospitaleratu behar izan dituzte Euskadin azken orduetan, eta 21 pertsonak Zaintza Intentsiboko Unitatean jarraitzen dute.
Osasun Sailak argitaratu duen oharraren arabera, larunbatean 7.359 PCR proba egin ziren, eta haietatik % 9a izan zen positibo.
Herriei eta R0 indizearen inguruko datu zehatzak, ostera, astelehenean jakinaraziko ditu Osasun Sailak.
Astelehenean Iñigo Urkullu jarduneko lehendakariak covid-19aren jarraipenerako batzordea gidatuko du Euskadiko egoera epidemiologikoa aztertzeko. Bilera horretan beste hainbat sailburu ere izango dira, hala nola Nekane Murga Osasun sailburua.
Pertsona bat hil da eta 105 covid-19 kutsatu berri atzeman dituzte Nafarroan
Pertsona bat hil da Nafarroan covid-19agatik azken orduetan eta beste 105 kasu gehiago atzeman ditu osasun sistemak. Gainera, hiru pertsona ospitaleratu egin behar izan dituzte.
Hildakoa 88 urteko emakume bat da. Nafarroako Ospitalean artatzen ari ziren baina ezin izan du gaixotasuna gainditu.
Osasun Sailak emandako datuen arabera, azken egunean 1.723 PCR froga egin dituzte.
Iruña eta Iruñerria dira kasu gehien dituzten zonaldeak, Tutera eta Lizarra ondoren.
Albiste gehiago gizartea
Ertzaintza Bernedoko udalekua ikertzen ari da, salaketa publiko baten ostean
Hainbat familiak salatu dutenez, 13 eta 15 urte bitarteko neska-mutilak modu mistoan dutxatzera "behartzen" zituzten.
Espetxera bidali dute Solokoetxeko hilketagatik atxilotuetako bat
Krimenagatik atxilotutako beste biak aske utzi ditu epaileak, kautelazko neurriekin.
"Plazentan oso aztarna baliagarriak egon daitezke umearen bilakaera eta osasuna ulertzeko"
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko. Nora Fernandez Biobizkaiko IRLAB-Inmunogenetika Ikerketa Laborategiko ikertzaileak iragarri duenez, etorkizunean izan daitezkeen gaitzak "beharbada, plazentan aurreikusi daizteke".
Emakume haurdunen odol eta plazenta laginez osatutako biobanku bat sortu du Osakidetzak, gaitz metabolikoak eta neurologikoak ikertzeko
Gurutzetako Ospitalean erditzen diren emakume haurdunek odol-lagin bat eta plazentaren zati txiki bat eman ahal izango dute. EAEko biobankuan gordeko dira, eta diabetesa, hipertentsioa eta garapen neuronaleko nahasmenduak ikertzeko erabiliko dira, goiz diagnostikatzeko eta hobeto artatzen laguntzeko.
Zupiriak esan du Vueltako hiru "gertakari" ikertzen ari direla
Bingen Zupiriak adierazi duenez, Espainiako Txirrindularitza Itzulian Bilbon gertatu ziren gertakariak ikertzen ari dira. Zehazki, elkarbizitzarako arauen aurkako hiru gertakari ikertzen ari dira. Adierazpenak, gaztelaniaz.
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua emango duela iragarri izana
ELA eta LAB sindikatuek ohartarazi dutenez, psikologo horiek "ez dute espezialitaterik, eta ezin izango dute tratamendurik diagnostikatu eta bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.