Kale zurrutean aritzeagatik 14 salaketa izan dira asteburuan Nafarroan

Foruzaingoak 71 jakinarazpen jaso ditu asteburu honetan osasun jarraibideak ez betetzeagatik, jende pilaketengatik eta eragozpenengatik. Horrez gain, poliziaren patruilek 14 esku-hartze egin behar izan dituzte kale-zurrutean zebiltzan gazte taldeak sakabanatzeko.

Nafarroako Foruzaingoak argitaratutako ohar baten arabera, ostiral gauean 24 patruila mobilizatu ziren, haietatik lau Iruñean, Baransoainen, Buñuelen eta Martzilan.

Beste lau esku-hartze maskara erabiltzen ari ez ziren gazteengatik izan ziren (Zangozan, Irurtzunen eta Aiegin); bi kale-zurrutagatik (Faltzes eta Ukarren); eta beste 15 musika altua eta bizilagunei eragozpenak eragiteagatik (Fitero, Taxoare, Osakar, Elizondo, Berriozar, Corella, Olazti, Zarrakaztelu, San Adrian, Viana, Melida, Gares, Sesma, Castejon eta Orkoienen).

Iruñeako Mendillorri auzoan beste abisu bat jaso zuen Foruzaingoak osasun neurriak ez betetzeagatik. Taldea identifikatu ostean, pertsona bat atxilotu zuten agenteek bilaketa, atxilotze eta pertsonatzearen eskakizun judiziala baitzuen bere gain.

Gainera, larunbat gauean 47 dei jaso ditu Poliziak bertaratzeko eskaerekin. Haietatik zortzi gazteen jende-pilaketengatik izan ziren (Elizondo, Noain, Artieda, Oricain, Larraga, Iraizotz, Izaba eta Aiegin) eta hiru maskararik gabe zebiltzan gazteengatik (Lezaun, Labiano eta Oteitzan).

Jasotako beste 12 salaketa kale-edanagatik izan ziren (Altsasu, Mutiloa, Lerin, Artika, Faltzes, Eneritz, Kaseda, Izaba, Bakaiku, Larraga, Ibero eta Tafallan); 20 zarata, musika altua eta bizilagunei eragozpenak eragiteagatik (Sarriguren, Cascante, Olatz, Castejon, Beriain, Mutiloa, Larraga, Aitzoain, Mendabia, Fitero, Labiano, Iza, Biana, Taxoare, Huarte, Cabanillas, Gares, Caparroso, Kaseda eta Elizondon) eta lau borrokengatik (Noain, Artika, Mutiloa eta Orikainen). 

Bestalde, asteburu honetan Foruzaingoak bost pertsona atxilotu ditu eta beste sei ikerketapean daude. Atxiloketak Tafallan (animaliei tratu txarrak egiteagatik), Iruñean (agindu judizialagatik), Tuteran, (Tratu txarrengatik), Altsasun (agindu judizialagatik) eta Berriozarren (zigor-judiziala hausteagatik) izan dira.

Asteburuko trafiko delituak alkoholemia eta desobedientziagatik izan dira Taxoaren, Iruñean eta Olaguen; gidabaimena iraungita izateagatik Noain eta Murchanten eta gidabaimenik gabe gidatzeagatik Tuteran.