Seme-alabak koarentenan dituzten gurasoen kontziliazioa aztertzen ari dira
Isabel Celaa Espainiako Gobernuko Hezkuntzako eta Lanbide Heziketako ministroak asteazken honetan aurreratu duenez, aztertzen ari dira abiatzea ordaindutako baimena edo baja COVID-19agatik koarentenan egon beharreko seme-alabarik duten gurasoentzat: "Eratu behar ditugun formulak dira", adierazi du.
SER katean izandako elkarrizketa batean, Celaak gogora ekarri du pandemiaren hasieran ere baliatu zutela ordaindutako baimenaren formula; izan ere, "koarentena egin behar bada, adingabe bat izatekotan, heldu batek lagundu beharko du; izan liteke gaixotasunagatik eskuratutako baja, edo ordaindutako baimena", ziurtatu du.
Espainiako Gobernuko Hezkuntza ministroak, horrez gain, zehaztu du gurasoei "erantzukizun-adierazpena" eskatuko zaiela, seme-alabak sukarrik gabe joan daitezen eskolara: "Osasuna eta segurtasuna etxean hasi behar dira", nabarmendu du Celaak; nolanahi ere, onartu egin du ez dagoela "zero arriskurik", "ez betetzea gertatu ahal baita".
Gurasoei eskatu die seme-alabak eskolara eraman ditzatela; berretsi duenez, "hezkuntza ordezkaezina da, bai eta onuragarria ere. Etxez etzeko hezkuntzak ezin du ordezkatu", esan du.
Hori dela eta, ministroak azpimarratu du eskolak "zabalik" egon behar direla, aurrez aurreko hezkuntza baita "kontzeptu orokorra"; 14 urtera arteko ikasleen kasuan, horrek izango du lehentasuna, aurrez aurreko hezkuntzak: "Ordenagailuaren aurrean lan egin ezin duten umeek laguntza behar dute, hezkuntza-prozesuan", azaldu du Celaak. Ministroak, horrez gain, eskatu du "familiei ez ematea kezka eta ziurgabetasun handiagorik".
Deitoratu duenez, "alarma handiegia" sortu da eskolarako bueltaren gainean. "Herritarrak eta zentroak kezkatzen ditu ez dakigula esateak. Badakigu: eskolak zabalduko dira, aurrez aurreko hezkuntza da kontzeptu orokorra, eta eskola-ingururik ziurrenaren bila gabiltza", zehaztu du. "Birusari aurre egin behar diogu, umeek garrantzitsuena egin dezaten: alegia, hezkuntza-prozesuarekin aurrera jarraitzea", adierazi du.
Zure interesekoa izan daiteke
Nelson David Morenok ukatu egin du Bilbon 73 urteko gizon bat hil izana
Asteazken honetan hasi da Bilbon 2021eko urriaren 5ean zendu zen gizon baten heriotza argitzeko epaiketa. Akusatua 37ko kartzela-zigorra betetzen ari da dagoeneko, beste krimen batzuengatik. Bost gizonen hilketekin lotu dute, baina, ikertzaileen aburuz, 7 krimenen ardura izan dezake.
Maialen Mazonen ustezko hiltzaileak “barkamena” eskatu du epaiketako azken unean
Arabako Lurralde Auzitegian egin duten epaiketa epai zain gelditu da asteazken honetan, aldeek euren ondorioak aurkeztu ondoren. Fiskaltzak eta akusazioek 45 urteko zigorrak eskatzen dituzte, hilketagatik, bi abortu deliturengatik eta adin txikiko bat abandonatzeagatik, akusatuak “nahita” hil zuela emakumea eta egoeraz “jakitun” zegoela uste dutelako. Defentsak absoluzioa eskatu du, hilketaren unean, “errealitatetik erabat deskonektatuta” zegoela argudiatuta.
Medikuen grebari amaiera emateko eskatu dio Alberto Martinezek Osasun Ministerioari
Estatutu markoari buruzko akordiorik ezean, datorren astelehenean laugarren greba astea hasiko dute medikuek. Alberto Martinez Osasun sailburuak azpimarratu duenez, Osakidetza ahaleginak egiten ari da arazoa bideratzeko, baina gatazkari amaiera emateko giltza Osasun Ministerioak dauka.
Altza eta Galtzaraborda arteko Topo zatia uztailaren 18an jarriko da martxan
Zati hori zabaltzeak, batetik, Altzako geltokian trenak nahitaez errebotatzea saihestuko du, eta bestetik, Pasai Antxoko lurpeko geltoki berria estreinatzea ekarriko du, terminal zaharra desegin eta biaduktua, eraikin artean sartuta dagoen trenbide-hesia, kenduta.
Nafarroako Ospitaleko jazarpen kasu batean "delitu zantzuak" ikusita, Fiskaltzara bidali du salaketa Osasun Departamentuak
Nafarroako Unibertsitate Ospitaleko zerbitzuburu baten aurka jazarpenagatiko salaketa jarri zen, modu anonimoan, joan den abenduan. Sare sozial bateko kontuan argitaratu zen gero, eta horren berri zabaldu zen. Bertan, Nafarroako ospitale publiko horretako emakumezko mediku batek salatu zuen zerbitzuburu horren hizkerak eta jokabideak "emakumeak gutxiesten, umiliatzen eta gauzatzat jotzen" zituela, eta zuzendaritzari "ezer ez egitea" leporatzen zion, "jakitun egon arren".
Osakidetzak ia 60.000 euroko soldata eskaini die barneko mediku egoiliarrei
Bigarren urtez jarraian Gaztetzeko eta Fidelizatzeko Programa abiatu du Osakidetzak, azken urteko egoiliarrak bertan geratzeko eta talentua erakartzeko asmoz. Hortaz, lehen edizioan baino 2.500 euro gehiago irabaziko dute erresidentzia amaitu eta Osakidetzan lan egiten duten medikuek.
Abian da Nelson David Moreno Bolañosen aurkako beste epaiketa bat: 73 urteko gizon bat hiltzea egozten zaio, app baten bidez zita bat izan ondoren
Akusatuari 37 urteko kondena ezarri zaio, beste hiru epaiketatan; gutxienez bost gizonezko homosexualen heriotzarekin lotu dute ikertzaileek, baina zazpi ere izan litezke.
Adimen gaitasun handiko helduak eta arrakastaren mitoa
Adimen handiko helduek benetan al dute bizimodu errazagoa? Asier Arrieta psikologoak eta heldutan diagnostikatutako Haizea Lopez idazleak ikuspegi anitzeko errealitatea deskribatu dute. Izan ere, potentzial handiarekin bizitzeak ez du derrigor bizitza errazago bihurtzen, diagnostiko berantiarra, autoexijentzia, antsietatea eta ingurukoen espektatibak tartean daude eta.
Aranako harrera zentroa urrian zabalduko dute eta 120 pertsonentzako lekua izango du
Espainiako Gobernuak azaldu duenez, plaza kopurua murriztu izanaren arrazoia da —hasiera batean, 350 plaza zeuden aurreikusita— duela hiru urte proiektua pentsatu zenean baino errefuxiatu gutxiago ari direla iristen egun Estatura. Ondorioz, "presioa nabarmen murriztu" da.
Ikertzaileek nabarmendu dute akusatuak "bere borondatez" bi aldiz aitortu zuela Lukas Agirre hil zuela
Halaber, agente batek adierazi du bigarren auzipetuak jakinarazi ziola krimenean erabilitako labana berea zela eta ustezko hiltzaileari berak eman ziola.