Etxe berean bizita ere, zaila da adingabeek helduak kutsatzea, ikerketa baten arabera
Bartzelonako Vall d'Hebron ospitalean COVID-19arekin lotuta egindako ikerketa batek ondorioztatu duenez, etxe berean bizita ere, zaila da adingabeek helduak kutsatzea. Hain zuzen ere, ikertutako haurren % 3,4k soilik kutsatu dituzte familiako kide helduak, etxe berekoak izan arren.
Prentsaurreko batean azaldu dutenez, ikerketak bi helburu zituen: Katalunian COVID-19arekin kutsatutako haurren ezaugarriak definitzea eta horiek senideei birusa kutsatzeko duten gaitasuna aztertzea.
Lehenengo helburuari dagokionez, ikerketan parte hartu duten 89 sendietako hirutan soilik izan dira adingabeak familia barruan birusa zabaldu dutenak. Horietatik bik, gainera, 17 urte zituzten.
Familien % 40,4n, baina, ezin izan dute kutsatzeko bidea zehaztu. Gainerako 50 sendietan, berriz, familiako beste kideren bat izan da senitartekoak kutsatu dituena.
Eskolara itzultzeko orduan hartu beharreko neurrien gainean zalantzak argitzeko xedez egin zuten ikerketa. Horretarako, martxoaren 1a eta maiatzaren 31a bitartean kutsatuta egon ziren familiak ikertu zituzten. Gainera, beste 357 ume ikertzen ari dira gaur egun.
Sintomak ez dira argiak
Gaixotasunak umeengan eragiten dituen sintomak ere aztertu dituzte, eta ondorioztatu dute kasu gehienak "arinak" izan direla eta bilakaera "oso ona" izan dutela. Halere, haurrek izan ohi dituzten sintomak ez dira helduenak bezain argiak, eta horrek zaildu egiten du diagnostikoa.
Albiste gehiago gizartea
Bederatzi pertsona zauritu dira auto batek harrapatuta, Galdakaon
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Juan jaietan. Dirudienez, ibilgailua kontrola galdu du biribilgune batean derrapatu ondoren, eta hesiaren atzean zeuden ikusleak aurretik eraman ditu.
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.