Nafarroako Unibertsitate Publikoak "normaltasun berrian" hasi du ikasturtea
Nafarroako Unibertsitate Publikoak "normaltasun berriaren" baitan eman dio hasiera ikasturteari. "Normala ez den egoera batean, ikasturtea ahalik eta hobekien garatzeko itxaropena" dute.
Sarrera mailakatuak, gel hidroalkoholikoa, ikasleen arteko distantzia eta ikasgelen aireztapena ezarri dituzte neurri gisa koronabirusari aurre egiteko. Hori dela eta, ikasturte honetan klaseak 50 minuturo geldituko dira gelak aireztatzeko. "Aurten hotz handia izango dute, dena irekiko dugulako", adierazi du Ramon Gonzalo Garcia unibertsitateko errektoreak ikasleei eskainitako informazio saioan.
Bere esanetan, Nafarroako Unibertsitate Publikoak bi abantaila ditu ikasturte hasieran: "Talde txikiak eta campus zentralizatuak". Horri esker, "ikasgelak konfiguratu eta bertako espazioak eta ikasle kopurua ezagutu ahal izan ditugu".
Hori guztia "premisa argi batekin: lehen urteko ikasleek aurrez aurreko eskolak izan behar dituzte bai edo bai".
Ikasturte honetan lehen urteko 2.000 ikasle inguru daude, plaza guztiak eskainita. Hala eta guztiz ere, oraindik "aurreinskripzio epea amaitzen" ari dira. Ikasturte honetan, unibertsitateak "inoiz baino aurreinskripzio gehiago" izan ditu, 9.000, hain zuzen ere.
Ikasgelak konfiguratzeko eta ikasleak banatzeko, unibertsitateak algoritmo bat sortu du. Hala, ikasturte guztietako 9.000 ikasle inguru unibertsitateko eraikinetan antolatu ahal izango dituzte.
Errektoreak esan duenez, "ikasleen % 94 kabitzen da ikasgeletan inolako arazorik gabe". Gainerakoentzat, ispilu-gelen sistema bat diseinatu dute, ikasgaiak emateko. Asmoa da "ispilu-gelako ikasle horiek txandaka joatea".
Ikasgelan kutsatzeren bat egotekotan, ikasgelako ikaskideek ez dira kontaktu estutzat joko, "ikasgeletatik kanpo kontaktu esturik ez baldin badute behintzat"; beraz, kutsatutako pertsona bakarrik egongo da konfinatuta.
Kutsatutakoen kopurua handia bada ikasgela batean, "modu telematikoan emango dira eskolak", irakasleekiko tutoretzez gain. Azken horiek beti modu telematikoan egitea gomendatu zaie.
Ikaslearen bizitza sozialari dagokionez, Garciak esan du unibertsitateak "erantzukizuna eta elkartasuna" eskatzen diela, "kanpoan gertatzen denak barruan (ikasgeletan) gertatzen denari eragiten diolako".
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.