Hainbat ikasle talde koarentenan jarri dituzte Hego Euskal Herrian azken orduetan
Bost kasu positibo berri izan dira koronabirusagatik, eta beste horrenbeste ikasle konfinatu behar izan dituzte Tuterako Huertas Mayores eta Elvira España eta Zangozako Luis Gil ikastetxeetan.
Huertas Mayores Tuterako ikastetxearen kasu positiboa Lehen Hezkuntzako bosgarren mailako talde batean gertatu da, eta 23 ikasle konfinatu behar izan dituzte, Foru Gobernuak jakitera eman duenez.
Elvira España ikastetxearen positiboa Haur Hezkuntzako hirugarren mailako gela batean gertatu da, 20 bat ikaslerekin.
Zangozan hiru positibo eman dituzte Lehen Hezkuntzako 1., 3. eta 6. mailetako beste ikasle batzuek, herriko Luis Gil ikastetxe publikoan, eta, beraz, haien taldeak ere konfinatuta geratu dira. Kasu horretan 50 ikasle inguru daude.
Gainera, hainbat positibo antzeman ostean, zazpi ikasle-talde koarentenan jarri dituzte Iruñeko, Murchanteko eta Faltzesko bost ikastetxetan, Nafarroako Gobernuak jakinarazi duenez.
Murchanten, Mardones y Magaña eskola publikoan, Lehen Hezkuntzako bosgarren mailako bi taldetako 48 ikasleak bidali dituzte etxera 10 eguneko itxialdia egiteko; Faltzeseko Doña Alvara Alvarez ikastetxe publikoan, berriz, 9 ume daude isolamenduan.
Iruñeko Jose Maria de Huarte eskola publikoko Lehen Hezkuntzako hirugarren mailako 45 ikasle eta Amaiur ikastolako haur hezkuntzako talde bat jarri dituzte koarentenan.
Halaber, asteazkenean, Iruñeko The British School of Navarra kolegioko talde bat eta Ilundain Kardinala ikastetxe publikoko 23 ikasle jarri zituzten isolamenduan.
Azagrako Francisco Arbeloa ikastetxeko 22 ikasle ere koarentenan egongo dira hilaren 15era arte, positibo bat antzeman ostean.
Haurreskola bat itxi dute Gasteizen
Bestalde, Eusko Jaurlaritzak Gasteizko Katagorri haurreskola aldi baterako ixteko agindua eman du, kasu positiboren bat agertu eta gero.
Alabaina, ez dute argitu zenbat kasu izan diren, ezta kutsatutakoak haurrak edo ikasleak diren ere.
Horrez gain, Donostiako Aldapeta Maria ikastetxean Lehen Hezkuntzako ikasle batek positibo eman du eta bere ikasgelako 24 umeak -8 eta 9 urte artekoak- eta haien irakaslea koarentenan jarri dituzte, Jose Maria Felices zuzendariak EFE agentziari azaldu dionez.
Bitartean, Zaldibarreko eskola publikoak itxita jarraitzen du eta familiek antolatzea erabaki dute haurrak txandaka zaintzeko.
"Eskola itxi izana arazo handia da. Ez dugu azpiegiturarik eta goizetik gauera antolatu behar gara. Herri txikia gara eta familia batzuek seme-alaben zaintza partekatzea erabaki dute", kontatu du eskola kontseiluko kide batek.
Ildo berean, informazio falta salatu dute. "Badakigu eskola gaur eta bihar itxita egongo dela, baina ez dakigu datorren astean zer gertatuko den. Jaurlaritzak zalantza hori azken unera arte argituko ez digula uste dugu", deitoratu du.
Bestalde, Mungiako Bentades ikastetxeak datorren astean irekiko ditu ateak. Aste honetan hasi behar zuen ikasturtea, baina hainbat irakaslek positibo eman ostean, zentroa itxi behar izan zuten.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.