514ra jaitsi da positibo berrien kopurua EAEn, eta 281era Nafarroan
EAEk 514 koronabirus kasu berri atzeman ditu azken 24 orduetan, bezperan baino 156 gutxiago, orduan 670 kasu positibo atzeman baitziren. Larunbatean 7.632 PCR proba egin zituzten, aurreko egunean baino 2.000 gutxiago.
Ospitaleen egoerari dagokionez, 41 pertsona ospitaleratu zituzten atzo COVID-19arekin lotuta. Egun 61 pertsona daude zainketa intentsiboetako unitateetan, bezperan baino bat gehiago.
Ostiralean, 7.632 PCR proba egin zituzten EAEn, eta horietatik 514ek eman dute positibo. Datuak lurraldez lurralde aztertuta, Araban 84 kasu berri atzeman dituzte, Bizkaian 264 eta Gipuzkoan 165.
EAEko intzidentzia epidemiologikoari buruzko bilakaera hemen kontsulta daiteke. Azken orduetan herriz herri zenbatutako positibo berriak azter daitezke, eta pandemia hasieratik atzemandako kasu guztiak eta adin taldeen araberako datuak ageri dira bertan.
Nafarroak 281 kasu positibo atzeman ditu
Nafarroako Osasun Publikoaren eta Lan Osasunaren Institutuak (ISPLN) emandako datuen arabera, 281 kasu positibo berri atzeman zituen atzo Nafarroan, 2.364 PCR proba egin ostean (positiboak % 11,7).
Atzokoan gaixotasun horrekin lotutako 15 ospitaleratze berri izan ziren, horietako bat ZIUn. Gainera, COVID-19ak 86 urteko gizonezko bat eta 88 eta 93 urteko bi emakume hil ziren Nafarroan, eta, ondorioz, 545 pertsona hil dira guztira Foru Erkidegoan gaitzak jota.
Eskualdeka, Iruñean eta Iruñerrian izan dira positiboen % 53, Tuteran % 19 eta Lizarran % 9.
Atzemandako kasuen adin-tarteen araberako banaketari dagokionez, 45-59 urteko taldea da nagusi (% 23), ondoren 15-29 urtekoa (% 22) eta 30-44 urtekoa (% 21). Ondoren, 15 urtetik beherakoen taldea, %16rekin, 60 eta 75 urte bitartekoena, % 10ekin, eta azkenik, 75 urtetik gorakoena, %7rekin. Kasu berrien batez besteko adina 37,4 urtekoa da.
Generoari dagokionez, %52 emakumezkoak dira, eta %48 gizonezkoak.
Nafarroako ospitale-sarean 132 pertsona daude ospitaleratuta; horietatik 7 ZIUn daude, eta beste 18 etxean.
Gainontzekoak, 107 gaixo, plantan daude. Pertsona horiek guztiek positibo eman zuten PCR proba batean, infekzio hori ospitaleratzeko arrazoia izan ala ez, eta COVID-19 eremuetan daude.
Birusak eragindako infekzioen intzidentzia metatuari dagokionez, atzoko kasuak batuta, gaur egun 12.827 dira.
Bestalde, Nafarroako Gobernuak jakinarazi du datorren asteartetik aurrera familiek SMS bidezko jakinarazpena jasoko dutela beren ikasgelan kasu positibo baten kontaktu estutzat jotzen dituzten ikasleei PCRa egiteko.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.