KORONABIRUSA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Goiak eta Garmendiak negatibo eman dute PCR proban, baina berrogeialdia egingo dute

Biek kontaktu estua izan dute positibo eman duen pertsona batekin. Lehen PCRan negatibo eman dute, baina berrogeialdian jarraituko dute bigarren proba gainditu arte.
Eneko Goia, Donostiako alkatea.
Eneko Goia, Donostiako alkatea. EiTBren bideo batetik hartutako irudia.

AGENTZIAK | ERREDAKZIOA

Azken eguneratzea

Eneko Goia Donostiako alkateak eta Marisol Garmendia Proiektu eta Obretako zinegotziak negatibo eman dute asteartean egin zieten lehen PCR proban, COVID-19agatik positibo eman zuen pertsona batekin harreman estua izan ostean.

Udalak jakinarazi duenez, ezarritako protokoloei jarraituz, biek berrogeialdia gordeko dute datozen egunetan, bigarren PCR proba egin eta emaitza negatiboa izan arte, lanera itzuli ahal izateko.

Horrela, Goiak datozen egunetako agenda egokitu du, eta asteazken honetan, hainbat bilera modu telematikoan egin ditu.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
Eneko Goia eta zinegotzi bat, koarentenan, positibo batekin harremana izateagatik
Gizartea Donostiako Udala Donostia Eneko Goia Eguneko Titularrak Medikuak Erizaintza Covid-19aren aldaera berriak

Zure interesekoa izan daiteke

Gehiago ikusi
Publizitatea
X