Bizkaiko zahar-etxeetako egoiliar bat hil eta 129ra igo da kutsatutakoen kopurua
Bizkaiko adinekoen egoitzetan egoiliar bat hil da azken orduetan koronabirusak jota. Horrela, pandemiaren bigarren olatu honetan 70 pertsona hil dira Bizkaiko zentroetan.
Horrez gain, 129 egoiliar daude gaur-gaurkoz gaitzak jota, ostiralean baino hiru gutxiago, eta 1.884 dira sendatutakoak, Bizkaiko Foru Aldundiak emandako datuen arabera.
Datuak zehatz aztertuta, Bizkaian adinekoentzat baimenduta dauden 155 egoitzetan (guztira, 10.748 plaza), 67 dira positiboa baieztatuta duten erabiltzaileak (aurreko kontaketan baino hiru gutxiago), eta beste 17 erietxeetan daude (bat gutxiago).
Gaur egun, zazpi egoitzatan daude gaixotutako egoiliarrak: Leioa Laguntza Zentroa-GUFE (39), Zuetxe-Bakio (11), Marcelo Gangoiti-Muskiz (8), DomusVI Miraflores-Bilbao (5), Albiz Santiago Llanos-Sestao (2), San Jose Etxe Alai-Mungia (1) eta Sagrado Corazon de Jesus-Bilbao (1).
Horrez gain, Birjinetxen, koronabirus bidezko infekzio-kasuak artatzeko unitate soziosanitario espezializatuan, 73 adineko daude. Pertsona horietatik, 45 egoitza-zentroen sareko erabiltzaileak dira, eta 28 zaurgarritasun-egoeran dauden pertsonak (koarentena egiten ari dira erietxean egon ostean).
Langileei dagokienez, 77 dira gaitzak jotakoak, eta beste 55 isolatuta daude, baina COVID-19a baieztatu gabe. Ostiralean, 86 behargin ziren gaitza zutenak eta 57 isolatuta zeudenak.
Albiste gehiago gizartea
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.