Kataluniako enpresak telelana egitera itzultzea nahi du Generalitateak
Josep Maria Argimon Kataluniako Generalitateko Osasun Publikoko idazkarik eskatu du 15 egunez enpresek telelana egitea eta unibertsitateek online klaseak ematea, koronabirusari aurre egiteko autonomia erkidegoan.
Rac1 irratian emandako elkarrizketa batean, Argimonek eskatu du "enpresak eta eragile sozialak berriz telelana egiten hastea, baina oso modu azkarrean", martxoko eta apirileko maila berreskuratzeko.
"Oso garrantzitsua da hau. Hurrengo 15 egunetan neurri sendoak baina laburrak eskatuko ditugu", mugikortasuna eta harreman sozialak murrizteko helburuarekin.
Ez diete enpresei langile kopuru bat etxetik lanean izatea exijituko, baina ahal dutenei egiteko eskatu die: "Enpresa bakoitza mundu bat da. Batzuetan, langile gehienek telelana egin dezakete; bestetan, ez".
Online unibertsitatea
Unibertsitateei ¡ Argimonek "birtualtasuna lortu dezaten" eskatu die, "gutxienez 15 egunez, eta aurrez aurreko klaseak soilik praktiketarako uztea".
Azaldu duenez, umeen eta nerabeen positiboak "ondo eramaten ari gara", eskoletan egiten ari diren baheketa masiboengatik, eta 15 eta 49 urte bitarteko adin tartean daude kasu gehien.
"Adinez gora egiten dugun bitartean, ez gara ondo egiten ari, ez gara birusa hain ondo bilatzen ari", esan du. Neurri horrekin 20 eta 29 urte bitartekoen mugikortasuna murriztea espero du, horietako asko unibertsitatera doalako.
Zure interesekoa izan daiteke
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.