COVID-19aren aurkako txertoa lortzeko probak eten ditu Johnson & Johnsonek
Johnson & Johnson multinazionalak COVID-19aren aurkako txertoa lortzeko probak behin-behinean eten ditu, boluntario baten "gaixotasunaren zergatia argitu ezinik".
Ameriketako Estatu Batuetako (AEB) konpainiak ohar baten bidez jakinarazi duenez, multinazional horrekiko independentea den Datuen Segurtasuna Zaintzeko Batzordeak (DSMB, ingelesezko sigletan) gaixotutako parte-hartzaile horri gertatutakoa aztertzen ari da.
"Koronabirusaren aurkako txertoa lortzeko saio klinikoetan aurreikusitako dosi berriak behin-behinean eten ditugu, baita 3. faseko saiakuntzan ere, ikerketa honetan parte-hartzen duen boluntario batek jasandako gaixotasunaren zergatia argitu ezinik", azaldu du enpresak oharrean.
Testuinguru horretan, konpainiak ez du horren inguruko xehetasun gehiago eman nahi izan, gaixotutako parte-hartzaile horren "pribatutasuna errespetatu" behar dutela arrazoituta.
"Boluntarioaren gaixotasunari buruz gehiago ikasten ari gara, eta garrantzitsua da datu guztiak izatea informazio gehiago zabaldu aurretik", gaineratu du multinazionalak.
Johnson & Johnson enpresak New Brunswick hirian (New Jersey, AEB) du egoitza nagusia, eta "azterketa eten baten eta saiakuntza kliniko baten arauzko atxikipenaren arteko alde nabarmena" argitu du oharrean.
"Ikerketaren etenaldi bat, non ikerketaren babesleak eten bat egiten duen erreklutamenduan edo dosifikazioan, entsegu kliniko baten protokoloaren ohiko urrats bat da", azaldu du konpainiak.
Alabaina, "saiakuntza kliniko baten arauzko atxikipena osasun-agintaritza arautzaile baten betekizuna da, adibidez, AEBko Elikagaien eta Sendagaien Administrazioarena (FDA, ingelesezko sigletan)".
COVID-19aren aurkako txertoa lortzeko ikerketaren baitan, 3. faseko laugarren entsegu klinikorako boluntarioak bilatzen hasi zirela jakinarazi zuten AEBko Osasun Institutu Nazionalek (NIH, ingelesezko sigletan) irailaren 23an.
Izan ere, oraindik ikerketa prozesuan dagoen Janssen COVID-19 txertoaren (JNJ-78436725) dosi bakar batek koronabirusa saihesteko balio duen jakin nahi dute. Horretarako, hainbat herrialdetako 60.000 boluntariorekin probak egitea aurreikusita zuten. Dena dela, probak behin-behinean eten dituzte, gaixotutako boluntario horren egoera argitu arte.
Zure interesekoa izan daiteke
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.