Sagardui: "Kurba kezkagarria ikusita, gripearen eragina erabakigarria izango da"
Euskadi COVID-19aren aurkako txertoa jartzeko beharrezkoa izango den material logistikoa prestatzen eta erosten hasi dela aurreratu du Gotzone Sagardui Eusko Jaurlaritzako Osasun sailburuak: "dosia eskura daukagun unean, txertoa errealitate bat izateko". Hala ere, agintariak gogorarazi duenez, orain gripearen aurkako txerto kanpainan "murgilduta" daude, pandemiaren "bilakaera kezkagarria ikusita, gripearen intzidentzia erabakigarria izango baita osasun zerbitzuak gainezka egitea saihesteko".
Carmelo Barrio PP+Cs koalizioko legebiltzarkideak sailburuari galdera egin dio Eusko Legebiltzarreko kontrol saioan. Osasun Publikoaren programak “berrindartzeko” eta aurrekontuak “handitzeko” beharraz ohartarazi dio Barriok Sagarduiri: “orain arte 46 milioi euro zituzten, gehienbat funtzionamendu gastuetarako”.
Era berean, Eusko Jaurlaritzaren txerto estrategiaren inguruan galdetu dio Barriok sailburuari. “Zalantzazko une” honetan zientzialari batzordeekin lankidetza “indartzeko” eskatu dio.
Osasun Saila COVID-19 pandemiaren egoera “etengabe” aztertzen ari dela azaldu du Gotzone Sagarduik, “gainerako erkidegoekin lankidetzan, erantzun protokoloak eta baliabideak egokitzeko”.
Erakundeen arteko lankidetza “etengabea” dela azpimarratu du sailburuak. Osasun Publikoaren Batzordean talde teknikoa COVID-19aren aurkako txertaketan lehentasunak finkatzeko lanean ari dela jakitera eman du Sagarduik. “Agertoki ezberdinak” aurreikusten ari dira, “pandemiaren bilakaeraren inguruan ziurtasunik ez dagoelako”, erantsi du.
Zentzu horretan, “une honetan ezer gutxi zehaztu” dezakeela onartu du buruzagiak. “Itxaroten ari gara, azkenean zenbat txerto baimenduko dituzten eta eskuragarri noiz egongo diren jakin arte, baita hasiera batean erabili ahal izango den dosi kopurua ezagutu arte ere”, nabarmendu du.
Azkenean Botiken Europako Agentziak zein txerto onartzen dituen, zenbat dauden eskuragarri eta adin zein taldeen araberako gomendio terapeutikoetara ere egokitu beharko dira irizpideak, sailburuak azaldu duenez.
Txertoak eskuragarri daudenean, Europar Batasuneko herrialdeen artean banatuko dituzte lehentasun irizpideen arabera.
Euskadi txertoa jartzeko beharrezkoa izango den material logistikoa prestatzen eta erosten hasia dela aurreratu du Osasun sailburuak, xiringak eta orratzak esaterako: “dosia eskura daukagun unean, txertoa errealitate bat izateko”.
“Xehetasunek itxaron beharko dute”, errepikatu du Sagarduik. Buruzagiak gogorarazi duenez, orain gripearen aurkako txerto kanpainan “murgilduta” daude, pandemiaren “kurba kezkagarria ikusita, gripearen eragina erabakigarria izango baita osasun zerbitzuak gainezka egitea saihesteko, eta gure herritarren osasuna baldintzarik onenetan mantentzeko”.
“Funtsezko zerbitzuetako langileen, biztanleria osoari segurtasuna emateko eta arreta zentroen gehiegizko lan karga saihesteko esfortzu ikaragarria egiten ari garela ziurtatu dezaket”, adierazi du.
Albiste gehiago gizartea
44 urteko gizonezko bat hil da Arrigorriagan izandako trafiko-istripuan, autoarekin AP-68ra erorita
BI-3723 errepidetik AP-68ra erori da ibilgailua, 4 metroko altueratik. Tokian bertan zendu da gidaria.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.