Jendetza bildu dezaketen jarduerak saihesteko eskatu dute Goierrin eta Urola Garaian
Kontu handiz ibiltzeko eta jendetza bildu dezaketen jarduerak saihesteko eskatu die Gotzone Sagaradui Osasun sailburuak Urola Garaiko eta Goierriko alkateei; izan ere, zenbait udalerrik 100.000 biztanleko 500 kutsatuak gainditu dituzte berriro, besteak beste, Beasainek (680), Ordiziak (721) eta Zumarragak (563).
Azken 14 egunetan Gipuzkoako zortzi herrik 100.000 biztanleko 500 kutsatuak gainditu dituzte. Guztiek 5.000 biztanle baino gehiago dituzte.
Beasain, Ordizia eta Zumarragaz gain, Azkoitian eta Azpeitian (Urola) 975 eta 943 positibo zenbatu dituzte, hurrenez hurren, Astigarragan 631, Elgoibarren 500 eta Tolosan 586.
Gotzone Sagardui Osasun sailburua Urola Garaiko eta Goierriko ia 30 alkaterekin bildu da. Batzar "positibo eta emankorra" izan da, Osasun Sailak ohar batean azaldu duenez. Josu Bujanda Ertzaintzako zuzendariak eta Iñaki Barraondo Osasun sailburuordeak Sagardui lagundu dute bileran.
"Udalerriz udalerri" egoera zein den zehaztu du Osasun Sailak, eta alkateen zalantzak argitzen saiatu da.
"Kontu handiz ibiltzeko eta jendetza bildu dezaketen jarduerak saihestea" beharrezkoa dela azaldu die Sagarduik alkateei. Aldi berean, erantzukizun "kolektibo eta indibiduala" eskatu du, "kutsatuen gorakada gelditzea guztion lana delako".
Bestalde, Segurtasun Sailak lankidetza eskaini die, bereziki udaltzaingorik ez duten herriei, aforoak eta distantziak betearazteko eta maskaren erabilera bermatzeko, besteak beste.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.