Hego Euskal Herriko eguneko datuek beste errekor bat utzi dute: 2000tik gora positibo
Ostiralean 2.086 positibo zenbatu dira Hego Euskal Herrian, pandemiaren bigarren olatuan beste errekor bat. Oraindik ez dira nabaritzen azken astean Euskal Autonomia Erkidegoan eta Nafarroako Foru Erkidegoan hartutako neurri murriztaile berriak.
EAEn, azken 24 orduetan erregistratutako kasuak 1.502 izan dira, beste maximo historiko bat koronabirusaren pandemian. Ostiralean 16.847 proba egin dira, PCR zein antigeno.
Lurraldeka, Bizkaia da positibo gehien izan dituena: 688. Gipuzkoan 596 kasu berri zenbatu dira. Positiboen 203 Araban izan dira.
Momentu honetan, 92 pertsona daude COVID-19arekin erkidegoko zaintza intentsiboko unitateetan.
Eusko Jaurlaritzako Osasun Sailak astelehenean eguneratuko ditu udalerriei eta R0 indizeari buruzko datuak.
Zertxobait jaitsi da eguneko koronabirus positiboen kopurua Nafarroan, baina oraindik altua da kutsatzeen zenbakia, 600 kasutik gertu baitago.
Nafarroako Gobernuak emandako datuen arabera, azken orduetan 580 kasu positibo erregistratu dira egindako 4.645 PCR probetan eta testetan. Positibititate-tasa % 12,5ekoa da beraz.
Ostegunean zenbatutako 637 kasuak baino gutxiago dira, baina horrek ez du arindu ospitaleetako egoera. 409 pertsona daude ospitaleetan, eta horietako 58 ZIUn. Presazkoak ez diren ebakuntzak atzeratzen hasi dira.
Asteburuan irekita daude Nafarroako osasun etxeak, erietxeek gainezka ez egiteko.
Gainera, bost pertsona hil ziren atzo COVID-19arekin Nafarroan: 62, 66, 81 eta 82 urteko lau gizon eta 88 urteko emakume bat.
Guztira, 709 pertsona hil dira pandemia hasi zenetik, eta 32.7551 pertsona kutsatu dira.
Zonaldeka, Iruñean eta eskualdean atzeman zituzten atzo positibo berrien % 60, Tutera aldean % 21, Lizarra aldean % 4 eta gainerako positiboak ( % 15) Nafarroako beste zonalde batzuetan izan ziren.
Adin-tarteen arabera, atzo positibo gehien atzeman zituzten tartea 45 eta 59 urte artekoena da (% 26). Ondoren, 15-29 urteko taldea (% 21), 30-44 urteko taldea (% 16), 60-75 urteko taldea eta 15 urtetik beherako taldea (% 15). Azkenik, 75 urtetik gorakoen taldea izan zen positibo gutxien atzeman zirena (% 7).
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.