Positibitate tasa % 9,5era igo da EAEn eta % 11,2ra jaitsi Nafarroan
1.151 COVID-19 kutsatze berri izan dira larunbatean Euskal Autonomia Erkidegoan, hau da, aurreko egunean baino 35 gutxiago. Hala ere, positibitate tasa % 9,5era igo da. 24 ordu lehenago % 8,9 izan zen.
Eusko Jaurlaritzako Osasun Sailak esan duenez, larunbatean zehar 12.061 PCR proba eta antigenokoak egin dira (aurreko egunean 16.847 izan ziren; beraz, nabarmen gutxiago), eta horietako 1.151 positibo izan dira (ostiralean, 1.502).
Lurraldeka, Gipuzkoak 587 kasu berri erregistratu ditu (aurreko egunean, 596). Bizkaian, bestalde, 451 positibo berri izan dira (ostiralean, 688), eta Araban 97 kasu positibo erregistratu dituzte (24 ordu lehenago, 203). Gainera, EAEtik kanpo bizi direnen artean 16 kasu positibo atzeman dira.
Ospitaleetan 47 pertsona gehiago sartu dira COVID-19arengatik (aurreko egunean baino 34 gutxiago), eta ZIUn 97 gaixo daude oraindik (bost gehiago).
Udalerriei eta RO indizeari buruzko informazioa bihar, astelehenarekin, eguneratuko dute.
Nafarroako Foru Erkidegoak eguneko koronabirus kasu berrien kopurua jaistea lortu du, eta azken orduetakoak 500dik urrun daude dagoeneko.
438 COVID-19 kasu positibo eta lau heriotza berri erregistratu ditu Nafarroak, Osasun Publikoko Institutuak emandako datuen arabera.
Guztira, osasun sistema publikoan 3892 proba egin dira; horietatik, 3603 PCR bidez eta 289 test antigenoetan. Positibo tasa % 11,25 da, eta pandemia osoan zehar kutsatutakoak 33.189 pertsona dira.
Hildako berriak bi gizon eta bi emakume dira, 62 eta 87 urte artekoak. Aurreko egunetan izandako lau heriotzei gehituta (76-94 urteko emakume bat eta hiru gizon), hildako guztien kopurua 717 da.
Ikuspuntu epidemiologikotik, Osasun Publikoko Institutuak zehaztu du 25 ospitaleratze berri izan direla; lau, ZIUn.
Eskualdeka, Iruñerrian positiboen % 59 dago, Tuterako zonaldean % 17, eta Lizarra aldean kasuen % 8. Gainontzeko positiboak (% 16) Nafarroako beste eskualdeetakoak dira.
Adinari dagokionez, talde nagusienak 45-59 eta 15-29 urtekoak dira, % 20narekin.
Hurrengoan dira 30-44 urtekoak (% 17), 75 urtetik gorakoak (% 15), 60-57 urtekoak (% 14) eta 15 urtetik beherakoak (% 14).
Kasu berrian batezbestekoa 44 urtekoa da, eta generoari dagokionez, Institutuak zehaztu du kasuen % 54 emakumezkoak direla eta % 46, gizonezkoak.
Osasunbidearen arabera, 420 pertsona daude ospitaleetan (atzo baino 11 gehiago), eta horietako 56, ZIUn (atzo baino bi gutxiago).
Zure interesekoa izan daiteke
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.
VacaPop, ganadua erosi eta saltzeko aplikazioa: “Edadekoak ere hasi dira, pixkanaka, erabiltzen”
Inora joan beharrik gabe abereak saldu eta erosteko helburuarekin sortu da VacaPop mugikorrerako aplikazioa. Azoken zain egon barik, Internet bidez behiak, zaldiak, ahuntzak, landako makinaria eta bazka saldu eta erostea posible da honezkero. Oier Aizpuru eta Aitzol Gorospe abeltzain gazteek adierazi dutenez, oso erraza eta azkarra da. Nabarmendu dute, halaber, tratuak era tradizionalean ixten direla, alegia, aurrez aurre.
“Gure hezkuntza, euskalduna” lelopean, milaka ikasle kalera atera dira
Hego Euskal Herriko ikasleriak bat egin du Ikamak deituriko greba egunarekin. Manifestazio jendetsuak egin dira Iruñean, Gasteizen, Bilbon eta Donostian. Euskara oldarraldi judizial eta politiko bat jasaten ari dela eta indarrean dagoen hezkuntza ereduak euskara mesprexatzen duela salatu dute.