Neurri murriztaileen aurkako protestetan atxilotutakoak aske utzi dituzte
Zazpi pertsona atxilotu dituzte, guztira, COVID-19ari aurre egiteko neurrien kontrako gazteen elkarretaratzeetan, larunbat gauean, Euskal Autonomia Erkidegoko zenbait udalerritan.
Ertzaintzak hiru atxiloketaren berri eman du Arrasateko (Gipuzkoa) liskarretan, eta Bilbon beste lau pertsona atxilotu dituela esan du. Epailearen aurretik igaro ondoren, libre geratu dira zazpiak.
Larunbat iluntzerako, zenbait udalerritan elkarretaratzeak deitu zituzten, sare sozialen bitartez, talde negazionistek.
Bilbon lau pertsona atxilotu dituzte. Horietako bat ertzainei bengalak botatzeagatik atzeman dute. Beste hiru manifestariak edukiontziak botatzeagatik eta erretzeagatik atxilotu dituzte, Indautxun. Bertan izan ziren, ostegunean, mota horretako istiluak, sei atxiloturekin.
Gasteizen, liskarrak 70 bat txanodunek protagonizatu dituzte. Harriak bota eta erakusleihoak eta etxebizitzetako ateak apurtu dituzte, Arabako hiriburuaren erdigunean.
Gainera, hamar bat pertsona identifikatu dituzte Andra Maria Zuriaren plaza eta Legebiltzarra inguruetan. Ogasun eta Hezkuntza ordezkaritzetako eraikinetan pintaketak egin dituzte. Ez dute Gasteizen inor atxilo hartu.
Gipuzkoan, hiru atxiloketa izan dira Arrasaten. Bertan, Donostian eta Eibarren bezala, edukiontziak erre dituzte.
Zure interesekoa izan daiteke
Auto-ilarak Txorierrin, Donostiarako noranzkoan, zenbait ibilgailuren arteko istripuagatik
Lau ibilgailuk talka egin dute Zamudion, eta zirkulazioa oztopatzen ari dira.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.