200 ikus-entzunezko lan baino gehiago lehiatuko dira Beldur Bariken 11. edizioan
12-26 urteko gazteek 200 ikus-entzunezko lan baino gehiago aurkeztu dituzte aurten Beldur Barik lehiaketara. Emakundek 11. urtez antolatu du, foru aldundiekin eta Eudelekin batera, gazteen artean berdintasuna sustatu eta indarkeria matxistari aurrea hartzeko kanpaina.
COVID-19aren pandemia tarteko, eskoletako aurrez aurreko jarduna bertan behera geratu zen martxoan, baina hori gorabehera, lan kopuru handia aurkeztu da lehiaketara: 51 udalerritako gazteek egindako 204 lan, zehazki.
Izaskun Landaida Emakundeko zuzendariak gaur aurkeztu ditu prentsaurrekoan lehiaketara aurkeztutako lanen eta sari banaketaren nondik norakoak.
Landaidaren hitzetan, gero eta "argiago identifikatzen ditu indarkeria matxista eragin dezaketen desberdintasun faktoreak eta aurre egiten die".
Aurkeztutako ikus-entzunezko lanen gaiak askotarikoak dira, baina rolak eta estereotipoak, emakumeen ahalduntzea eta gorputzen aniztasunari buruzkoak izan dira nagusi. Gehienak taldeka aurkeztu dira, Emakundeko zuzendariak zehaztu duenez.
Sari banaketa (Topaketa deitzen zaio ekitaldiari) ostiral honetan egingo dute Gipuzkoako Foru Aldundiak Donostian duen egoitzan, eta streamingez bakarrik jarraitu ahalko da, 17:00etatik hasita. Nerea Arriolak aurkeztuko du gala, Nogen talde donostiarra eta Beatriz Gonzalez Rojo ilustratzailea lagun dituela. Gonzalezek Rojok panel erraldoi bat margotuko du galak dirauen artean.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.