Bizkaiko egoitzetan arduragabekeriak, engainuak eta gardentasun falta salatu dituzte
Gardentasun falta, kudeaketan zabarkeria eta senideen osasun egoeraren inguruko iruzurrak salatu dituzte Bizkaiko egoitzetako adinekoen senitartekoek Lurralde Fiskaltzaren aurrean. Konkretuki, COVID-19 pandemiaren lehen olatuko 19 kasu zehatz zerrendatu dituzte.
Adinekoen solairu aldaketak, birusa zabaltzea erraztuz, langileen mugimenduak “zonalde zikinetik garbira”, “oso bisita gutxi” eta isolamendu baldintza gogorrak, “irrati triste bat gabe”, adibide bezala jarri ditu Babestu elkarteak txosten batean. Dossierra Fiskaltzaren aurrean aurkeztu du elkarteak, egoitza batzuetan arduragabekeriarik izan ote den ikertzeko eskatuz.
Dokumentua entregatu baino lehen, Babestuko ordezkariek elkarretaratzea egin dute Ministerio Fiskalaren egoitza aurrean, Bilbon, Bizkaiko Foru Aldundiaren zein Eusko Jaurlaritzaren jarrera salatzeko, protokolo eta ikuskaritza faltan erantzukizunik onartzen ez dutelako. Egoitzetako adinekoen eta langileen baldintzak kontuan hartzen ez dituztela kritikatu du elkarteak.
“Adineko batzuen egoera negargarria da, azazkal eta bizar luzeekin eta aho zikinekin. Aldundiak ikuskaritzak egiten al ditu? Adinekoak nola dauden ez dute ikusten?”, galdetu du Juani Cespedes Babestu elkarteko presidenteak.
Bizkaiko egoitzetako adinekoen senideak Bilbon. Argazkia: EFE
“Egoera Aldundiaren aurrean salatu, eta hark egoitzari beti arrazoia ematea lotsagarria da. Zergatik egoitzak hainbeste babestu?”, aurpegiratu du Cespedesek. Adinekoak babestea eskatu du ordezkariak, “desagertzen ari direlako”, deitoratu duenez. Aldi berean, Jaurlaritza kritikatu du, “adinekoak ratioekin setiatu dituelako”.
Egoitza pribatuen kontrol handiagoa eskatu du Babestuk, PCR proba gehiago, FFP2 maskarak eta elkarbizitza talde txikiagoak, “ezinbestekoak baitira birusari eusteko”, eta isolamendu kasuetan, “egonaldi duina” bermatzea ere.
Azkenik, adinekoek senideen bisita gehiago jaso ahal izatea eskatu du Babestuk, eta kalera gehiagotan atera ahal izatea, “kognitiboki oso gaizki daudelako”. Posible baldin bada irteerak senideekin batera egitea eskatu du Cespedesek.
“Eskuak ukitzeko baimenik ere ematen ez duten egoitzak daude, nahiz eta eskuetako gela bertan izan”, nabarmendu du Cespedesek.
Zure interesekoa izan daiteke
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.
Kolon eta ondesteko minbiziaren baheketak erdira murriztu du hilkortasuna Euskadin
Biogipuzkoako eta EHUko ikertzaileak buru ditu ikerketak eta JAMA Network Openen argitaratu dute. Horren arabera, kolon eta ondesteko minbiziaren baheketaren programak % 50 murriztu du hilkortasuna 50 eta 69 urtekoen artean, bi hamarkadatan.
2.200 bat emakumeri eraso die gizon bikotekideak edo bikotekide ohiak, Euskadin, 2026ko lehen seihilekoan
Emakunderen arabera, % 7 igo da 2025aren aldean. Familia barruko indarkeriaren biktimen kopurua % 20 hazi da Araban, eta erasoa jasan duten biktimen kopurua % 10 igo da Gipuzkoan.
Bi pertsona zauritu dira A-8an, trafiko-istripu batean, Muskiz parean, Kantabriarako noranzkoan
Istripua bi kilometroko auto-ilarak eragin ditu. Kantabriarako zirkulazioa 236. irteeratik bideratzen ari da.
Guardia zibil batek bikotekide ohia hil du Llanesen, hura ere agentea
Hilketaren ondoren, ihes egiten saiatu da erasotzailea, eta ahalegin horretan, inguruan zeuden beste agente batzuk tiroka erantzun diote. Bertan zendu da.
Lizarran hildako gizonaren bikotekide ohiak azaldu du indarkeria fisikoa eta psikologikoa pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.