'Aita Mari', prest Pasaiatik Mediterraneora itzultzeko
Aita Mari ontziak konpontze eta mantentze lanak bukatu ditu, eta prest dago berriz Mediterraneora joateko, migratzaileen itsasontziei laguntzera. 2020an 202 pertsona erreskatatu ditu Gipuzkoako Itsas Salbamendu Humanitarioa gobernuz kanpoko erakundearen itsasontziak.
Beatriz Artolazabal Berdintasun sailburuak bisita egin die ontziaren tripulazioko kideei, uztailetik Pasaiako (Gipuzkoa) portuan. Bertan burutu ditu itsasontzia konpontzeko eta mantentzeko lanak.
Artolazabalek proiektuaren interes "sozialaren, humanitarioaren eta premiazkoaren balioa" nabarmendu du, Eusko Jaurlaritzak komunikatu batean esan duenez, "Mediterraneoan bizi den premiazko eta salbuespenezko egoera kontuan hartuta".
Ontzia 2018an hasi zen mota honetako ekintzak egiten, eta COVID-19aren pandemiak eraginak izan ditu. Izan ere, sei misio zituzten aurreikusita urte honetarako, baina bakarra egin ahal izan dute, urtarrila eta otsaila artean. Bi itsasontziri eman zioten laguntza urte hasieran: gomazko bat 93 pertsonarekin, eta zurezko beste bat 65ekin. Mesinan (Sizilia, Italia) lehorreratu ziren.
Erreskatatutako 159 pertsonetatik, 90 gizonak ziren; 17, emakumeak (horietako hiru haurdun zeuden), eta 51, adingabeak (horietako 39, bakarrik).
Gainera, 2020an aurreikusita zituzten 180 egunetatik, Aita Mari-k 36 baino ezin izan ditu egin, eta 69tan hainbat portutan egon dira, arrazoi desberdinengatik.
Horretaz aparte, apirilean Siziliatik Pasaiarako bidea hartu zuen, Italian ezarritako konfinamenduaren ondorioz, eta beste 44 pertsona erreskatatu zituen, Italiako Gobernuaren ferry batera eramateko.
Erakundea larrialdietako langileek eta boluntarioek osatzen dute, eta "itsasoan pertsonen bizitza babestea eta giza eskubideak defendatzea" ditu helburu, eta "Eusko Jaurlaritzaren laguntza du, eta e bakarrik ekonomikoa".
Exekutiboak azaldu duenez, "laguntza horrek Eusko Jaurlaritzak une bakoitzean premiazko inplikazio humanitarioa behar duten egoerei arin erantzuteko duen konpromiso proaktiboari erantzuten dio". Mediterraneo erdialdeko ibilbidean dago, izan ere, Libia, Tunisia, Italia eta Malta artean, hildako eta desagertu kopuru handiena.
Zure interesekoa izan daiteke
Lizarran hildako gizonaren bikotekide ohiak azaldu du indarkeria fisikoa eta psikologikoko pairatu zituela hainbat urtez
Gizona balkoi batetik erorita hil zen, Poliziarengandik ihesi zihoala, azken horiek indarkeria matxistagatik abisua jaso ondoren.
Donostiako Udalak eraso sexisten aurkako Aste Nagusirako kanpaina aktibatu du: puntu morea Boulevardean egongo da
Ane Oyarbide Berdintasun zinegotziak adierazi duenez, "elkarbizitza, errespetu eta askatasun gunea izan behar du Aste Nagusiak, pertsona guztientzat".
Uharteko parrokoak barkamena eskatu eta sareak utzi ditu
Ohar baten bidez argitu duenez, Iruñeko eta Tuterako elizbarrutia ez dago ados Javier Aizpunek zabaldutako mezuekin, eta aita santuaren hitzak aipatuta, "giza duintasunak pasaporterik ez" duela esan du.
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia heldu da, eta programazioaren zati handi bat kolokan dago teknikarien greba dela eta
Blusen eta nesken kuadrillek lore eskaintza egin diote Andre Maria Zuriari eta haren aldeko aurreskua dantzatuko dute. Ikuskizunetako teknikarien grebak La pasión infinita lanaren funtzioa bertan behera uztera behartu du dagoeneko, eta programaren beste ekitaldi batzuk loka jarri ditu.
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.