Ministerioak Gabonetako otorduetarako bakarrik baimendu nahi du pertsonen mugimendua
Gabonetarako konfinamendu perimetralari eustea proposatuko du Espainiako Gobernuko Osasun Ministerioak, baina salbuespen bat onartuta: gehienez 10 pertsonako (ez du zehaztu haurrak barne dauden) bazkari-afariak egiteko senitartekoen mugimenduak baimentzea. Horrez gain, Eguberri egunean eta Gabon Zahar gauean etxeratze agindua 01:30era atzeratzea babestuko du.
Hala dago jasota behintzat Osasun Ministerioak Lurralde arteko Osasun Batzordearen bilerara eramango duen proposamenean, eta EFE albiste agentziak eskuratu duen horretan.
Dokumentu horretan ageri denez, sarbidea kontrolatu daitekeen eta prebentzio neurriak beteko dituzten lekuetan kabalgata estatikoak egitearen alde egingo du Salvador Illak zuzentzen duen Ministerioak. Halaber, kanpaikadak modu birtualean eskaintzea proposatuko du.
Testua oinarri, Ministerioa eta autonomia erkidegoak Gabonetarako gomendio sorta adosten ahaleginduko dira arratsaldean egingo duten bileran. Batzarra 16:00etan hasiko da eta bideokonferentzia bidez egingo da.
Eusko Jaurlaritzak bere hasierako jarrera malgutu du kontsentsuaren izenean, hots, Estatu mailan gutxieneko akordio bat lortzeko. Gauzak horrela, 10 pertsona elkartu ahal izatea, abenduaren 24an eta 31n etxeratze agindua 01:00etara atzeratzea, eta udalerrien zein autonomia erkidegoen itxiera perimetrala altxatzea proposatuko du.
Nafarroako Gobernuak, bere aldetik, 10 pertsonen arteko bilerak baimentzea proposatuko du.
Madrilgo Erkidegoak 10 pertsona elkartu ahal izatea nahi du abenduaren 24ean, 25ean, 31n eta urtarrilaren 1ean eta 6an. Horrez gain, etxeratzea agindua 01:30era atzeratu nahi du Gabon gauean eta Gabon zaharrean.
Kataluniak ere 10 pertsonako bilerak baimendu nahi ditu (bizikide ez diren bi burbuilatakoak gehienez), baina ez du argitu adingabeak kontatu behar diren ala ez. Bestalde, etxeratze agindua 01:30era atzeratzea ere babestu du.
Espainiako Osasun Ministerioak erkidego autonomoetako ordezkariekin iragan astean egin zuen bilera akordiorik gabe amaitu zen eta gaur elkartuko dira berriro Gabonetako plana adosten ahalegintzeko.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.