Covid-19ari buruzko 90 ikerketa baino gehiago abiatu dituzte EAEn
Euskal Autonomia Erkidegoan covid-19ari lotutako 90 ikerketa baino gehiago daude martxan une honetan, Gotzone Sagardui Osasun sailburuak jakinarazi duenez.
EITB Maratoiaren azken txanparen aurkezpenean izan da Sagardui eta han eman du datu hori. Koronabirusaren ikerketara bideratzeko dirua biltzea da aurtengo edizioaren helburua. Ekarpenak telefonoz deituta edo eitb.eus atariaren bidez egin daitezke.
Ekitaldian, Sagarduik esan du osasun sistema publikoa "oso aktiboa" izan dela pandemia hasi zenetik, parte-hartzeari eta abian jarri dien ikerketa kopuruari dagokionez.
Hilabeteotan 90 ikerketa jarri dituzte martxan, 3.900 pazientek hartu dute parte eta 30.000 lagin batu dituzte. "Euskal erakundeek ikerketaren alde urteetan egindako apustuaren ondorioz dira posible horrelako ekimenak", azpimarratu du EITB Maratoian parte hartzeko dei eginez.
Ordu batzuk geroago, Sagarduik agerraldia egin du Legebiltzarrean pandemiaren bilakaerari buruzko azalpenak emateko. Azken orduetan 564 positibo detektatu dituzte EAEn eta joan den astean 81 pertsona hil ziren koronabirusarekin.
Osasun sailburuak adierazi du datuak hobeak direla joan den hilabetearekin alderatuz gero, baina "guardia ez jaisteko" eskatu du, egoera larria dela eta ospitaleetan presioa handia dela ohartarazita.
Horrela, bada, azken asteetako mezuari eutsi dio: "hobera egiten ari gara, baina gaizki gaude".
Txertoari dagokionez, Sagarduik esan du ez dakitela EAEn banatuko den txertoa zein izango den eta, beraz, oraindik zalantza asko argitzeko daudela nabarmendu du. "Une honetan txertorik onena prebentzioa da", erantsi du.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.