INDARKERIA MATXISTA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gizon batek 59 urteko emakume bat hil du Pontevedran

Ustezko hiltzailea bere buruaz beste egiten ahalegindu da eta ospitalera eraman dute, atxilotuta.

AGENTZIAK | ERREDAKZIOA

Azken eguneratzea

Gizon batek ustez bere bikotekidea hil du asteazken honetan Pontevedrako Gondomar udalerrian eta gero bere buruaz beste egiten ahalegindu da.

Taxi gidari batek deitu zuen larrialdi zerbitzuetara, 16:25ak aldera. Hala ere, osasun langileak bikotearen etxebizitzara bertaratu zirenerako 59 urteko emakumea hilda zegoen. Emakumeak arma zuriz egindako zauriak zituen.

Poliziak etxean bertan aurkitu zuen ustezko hiltzailea, konortea erdi galduta. Hori dela eta, Vigoko ospitalera eraman zuten, atxilotuta.

Antza denez, ez zegoen erasotzaileen aurkako salaketarik.

Indarkeria matxista kasua dela baieztatuz gero, Estatuan aurten hiltzen duten 42. emakumea litzateke.

Tratu txarrak pairatzen badituzu, edo kasuren bat ezagutzen baduzu, kontuan hartu gida honetako aholkuak, eta/edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Gizartea Indarkeria matxista Tratu Txarrak Espainia Delituak Eguneko Titularrak Galizia Matxismoa

Zure interesekoa izan daiteke

Gehiago ikusi
Publizitatea
X