Erkidegoek Gabonetarako neurriei eutsiko diete, baina murrizketak egiteko aukerarekin

Hori adostu dute Espainiako Osasun Ministerioak eta erkidegoek. Hala, egoera epidemiologikoaren arabera, Nafarroako Gobernuak eta Eusko Jaurlaritzak mugikortasunari mugak jartzeko aukera izango dute.

Illak eutsi dio Gabonetako planari, baina murrizketak zorroztea baimendu die erkidegoei

agentziak | eitb media

2020/12/16 - 20:14

Azken eguneratzea

2020/12/16 - 22:08

Espainiako Osasun Ministerioak eta erkidegoek Gabonetarako aurretik ezarritako neurriei eustea erabaki dute, baina zorrozteko aukera izango dute egoera epidemiologokioaren arabera. Hala, Eusko Jaurlaritzak eta Nafarroako Gobernuak mugikortasunari edo bilkuretako jende kopuruari mugak jartzeko aukera izango dute.

Horixe iragarri du Salvador Illa Osasun ministroak Osasun Nazionalaren Sistemako Lurralde arteko Kontseiluaren batzarraren ostean emandako prentsaurrekoan, eta aipatu du gaueko etxeratze aginduan ere aldaketak egiteko moduan izango direla erkidegoak.

Bileran Osasun kontseilariak eta ministroa kezkatuta agertu omen dira pandemiaren egoera dela eta.

Oraingoz, Illak iragarri du Gabonetarako abenduaren 2an erkidegoekin adostu zuten planari eusten diotela, tartean Eguberri eta Urte zahar egunetan etxeratze agindua 1:30 arte atzeratzea; erkidegoen itxiera perimetralari eustea, senide eta lagunen joan-etorrietarako izan ezik; eta abenduaren 24an, 25ean eta 31n eta urtarrilaren 1eko otordu garrantzitsuenetan gehienez 10 pertsona elkartzea.

"Gabonetarako planari eusten diogu, eta lerro batean laburtzen da: Gabonetan etxean geratuko gara", adierazi du ministroak, baina pandemiaren joera ikusita, erkidegoei are neurri "zorrotzagoak" hartzeko aukera emango zaie.

Hala, bilkuretarako gehienezko pertsona kopurua txikitu ahal izango dute "nahi duten neurrian".

Gaueko mugikortasunerako ordutegiaren mugan ere zorrotzagoak izan daitezke, alarma egoeraren eskumenen baitan.

Ildo horretan, Osasun Ministerioak uko egin dio, berriz ere, Alarmako Estatuaren Errege Dekretuaren 5. puntua aldatzeko aukerari, gaueko ordutegian mugikortasuna mugatzeari buruzkoa, autonomia-erkidegoek malgutu ahal izan dezaten, hala egitea beharrezkotzat jotzen badute, Eusko Jaurlaritzak bileran berriro eskatu duen bezala.

Ministroak gogorarazi du neurriak hartu behar direla "pilatutako esfortzua" alferrikakoa ez izateko, eta Gabonetarako plana aurkeztu zutenean ohartarazi zutela ez zela dokumentu irmoa, bizia baizik.

Farmazietako autodiagnosi test azkarrak

Bestalde, osasun langileei eskatu diete ez preskribitzeko farmazietan saltzen dituzten autodiagnosi test azkarrak, "engainura" eraman ditzaketelako proba horiekin "Gabonak lasaiago igaro ditzaketela" uste dutenak.

"Test horiek ez dira egokiak eta osasun langileei ez preskribitzea aholkatzen zaie, engainura eraman dezaketelako", "interpretatzea zaila" delako eta ez daudelako atzemate arineko estrategiaren barruan, Osasun ministroak azpimarratu duenez.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Albiste gehiago gizartea

san martin unx nafarroa sutea incendio navarra efe

Baso-suteak sortzeko arrisku "handia" eta "oso handia" Nafarroan

Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.

VITORIA, 20/06/2025.- Un incendio ocurrido este viernes en la fábrica del productos de higinene personal LEA, en Vitoria, ha causado llamaradas de varios metros de altura y una densa columna de humo que es visible desde toda la ciudad. EFE / L. Rico

Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute

Suhiltzaileek lantegira ura botatzen jarraitzen dute, su txiki gehiago izan ez dadin.

EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian

Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.

Gasteizko LEA enpresaren lantegiko sutearen aireko irudiak

Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.

"6 edo 7 leherketa izan dira, baina bat oso handia izan da eta eraikin osoa dardarka jarri du"

Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.

Sutea piztu da LEA fabrikan, eta Arabako hiriburu osotik ikus daiteke kea

Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.

LEAko langilea: "Shock egoeran gaude, eta ez dakigu zer gertatuko den gure lanpostuekin"

Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.