Urtezahar-gauerako neurriak zorroztu ditu Nafarroak
Nafarroak ez ditu urte bukaeran covid-19ari aurre egiteko neurriak erlaxatuko, azken egunetako bilakaera epidemiologikoa ikusita. Egunean 100 positibo berriak gainditzen ari dira berriro Foru Erkidegoan.
Horrela, bi elkarbizitza talde ezberdineko sei pertsona elkartu ahal izango dira mahai inguruan gehienez, eta etxeratze-agindua 23:00etan izango da. Gainera, Foru Erkidegoaren mugek itxita jarraituko dute, Nafarroako Gobernuak baieztatu duenez.
Presidentearen Foru Dekretua argitaratuko dute astelehenean, Nafarroako Aldizkari Ofizialean.
Bestalde, ostalaritza, saltoki, ikuskizun, adinekoen egoitza edo kirol praktika mugatzeko aforoak eta murrizketak ez dituzte oraingoz aldatuko.
Azken egunetan covid-19 positibo berriak areagotu direla antzeman du Osasun Departamentuak, "eta kezkagarriagoa dena, goranzko joera argia eta bistakoa da", iturriek azaldu dutenez.
Intzidentziak behea jo zuen abenduaren 11an, 100.000 biztanleko 179 positiborekin, baina abenduaren 24an 190 kasu berri ziren jadanik, eta larunbat honetan 200 inguru.
Era berean, PCR proben positibotasun indizea % 3,3koa zen abenduaren 22an, % 5,3ko 24an eta % 7,1ekoa atzo.
Bestalde, oinarrizko indizeak (Rt) gora egin du, kutsatu batek eragiten dituen kasu berriak, alegia. Hilabete erdialdera 0,67koa zen, eta abenduaren 23an 0,92koa.
Adierazle epidemiologiko nagusiek okerrera egin dutela ikusita, urte bukaerarako aurreikusita zituen salbuespenak kentzea erabaki du Nafarroako Gobernuak, osasun arduradunek proposatu ostean. Helburua kutsatzeak "ahalik eta gehien" prebenitzea eta "Eguberri osteko balizko olatu berriari aurrea hartzea" da.
Osasun Departamentuak ohartarazi duenez, hirugarren olatu batek "ondorio larriak" izan ditzake heriotzetan, osasun sisteman eragin eta beste beharrizan eta patologia batzuk artatzeko orduan, baita ondorioak ekonomian eta bizitza sozialean ere. Nafarroan egoerak okerrera egiten baldin badu, "negozioak berriz itxi, aforoak berriro mugatu eta atzean utzitako murrizketa berrezartzea" beharrezkoa izan daitekeela gogorarazi dute.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.