Covid-19aren aurkako txertoa jartzen hasi dira Nafarroako langile soziosanitarioei
Nafarroako zahar-etxeetan lan egiten duten langile soziosanitarioei covid-19aren aurkako txertoa jartzen hasi dira astearte honetan. Gauzak horrela, Foru Erkidegoko adineko pertsonentzako hainbat zentrotan lan egiten duten langileek koronabirusaren aurkako txertaketa kanpainari ekin diote gaur, Iruñeko Refena erakustazokan eta hainbat zahar-etxeetan.
Covid-19aren aurkako txertoaren lehen dosia jaso ondoren, horietako langile batzuek txertoa jartzeko eskatu diete gainerako profesionalei eta herritarrei. Testuinguru horretan, txertoa jaso duen lehen profesionala El Vergel egoitzako langile bat izan da; Virginia Uriz, hain zuzen ere. Kazetariei adierazi dienez, "guztiok txertoa hartzea izango litzateke egokiena talde-immunitatea lortzeko, baina bakoitzaren erabakia errespetagarria da".
Halaber, Beatriz Arraras Hidalgo El Vergeleko langileak azaldu duenez, txertoa jartzeko unean ez du apartekorik ezer nabaritu, "ziztada normala" izan baita. "Txertoa hartzeko gogo handia nuen", gaineratu du. Txertoa jarri nahi ez duten langile zein herritarren inguruan galdetuta, "erabaki oro errespetagarria" dela nabarmendu du, "bakoitzak bere iritzia duelako eta txertoa hartzea borondatezkoa delako".
Gauzak horrela, txertaketa kanpainari esker, pandemiaren "amaieraren hasiera" gertuago dagoela nabarmendu du, eta azken hilabeteetako egoera "nahiko itogarria" izan dela onartu du. Izan ere, osasun arloko langileek "kezka handia" izan dute "lanean ez kutsatzeko eta ingurukoak ere ez kutsatzeko".
Andrea Blanco ere txertaketa-lanetan aritu da Iruñeko Refena erakustazokan. Hain zuzen ere, koronabirusaren aurkako lehen dosia jarri zuen berak Nafarroan igandean. Halaber, pandemiaren hasieran, Foru Erkidegoan emaitza positiboa izan zuen lehen PCR testa egin zuen. Hori dela eta, bere esanetan, "une hunkigarria" izan da gaur bizi izandakoa.
Bere esanetan, "bi une oso desberdin bizi izan dira; alde batetik, PCR probetan positibo eman zuen lehen gaixoa ospitalera eraman behar izan genuenean ziurgabetasuna eta beldurra ziren nagusi. Orain, berriz, txertoa jartzea zirraragarria da, eta badirudi pandemiaren amaieraren hasiera dela, egoera honen amaieran argia ikusten hasi garela".
Nafarroan gaur ekin diote berriro txertaketari. Goizean, El Mirador eta Infanta Elena zentroetan jarri dituzte txertoak; arratsaldean, berriz, Refena erakustazokan. Gaur 429 pertsonari txertoa jartzea aurreikusi dute, eta, horietatik, 280 arratsaldean Refenan txertatu dituzten langileak izan dira.
Carlos Artundo Nafarroako Osasun zuzendari nagusiak, bere aldetik, koronabirusaren aurkako txertoa jartzeko deia egin du "interes pertsonaleko eta erantzukizun sozialeko" ariketa bikoitz gisa.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.