Etxeratze-agindua 00:30ean ezarriko da gaur EAEn eta 23:00etan Nafarroan
Hauek dira Eusko Jaurlaritzak eta Nafarroako Gobernuak abenduaren 31rako, Urtezahar gauerako, ezarritako neurri murriztaileak.
Urteko azken egunean, Euskal Autonomia Erkidegoan 00:30ean aplikatuko da etxeratze-agindua. Era berean, abenduaren 31ko eta urtarrilaren 1eko familia topaketetan, gehienez ere sei pertsona elkartu daitezke, eta aipatutako bi egunen artean soilik irten ahal izango da EAEtik senideei eta hurbilekoei bisita egiteko.
Eusko Jaurlaritzak ordutegi hori soilik familia bileren ostean herritarrak etxera itzuli ahal izateko ahalbidetu dela azpimarratu du, eta inola ere ez ondoren gizarte bilerak egiteko.
Gainera, merkataritza-establezimendu guztiak eta ostalaritzako eta jatetxeetako establezimendu eta zerbitzu guztiak 18:00etan itxi beharko dira, gasolindegiak, zerbitzuguneak eta farmaziak izan ezik, eta irekiera ezingo dira hurrengo eguneko 09:00ak baino lehen ireki.
2020ko abenduaren 30etik 2021eko urtarrilaren 2ra, abenduaren 28a baino lehen ostatu hartu ez zuten bezeroak hartzeko debekua ezartzen da kanpinetarako.
Azkenik, debekatuta dago kotilioiak edo edozein oturuntza edo ospakizun egitea hoteletan, landetxeetan, kanpinetan edo bestelako establezimenduetan, bai espazio komunetan, bai logeletan, bungalowetan edo apartamentuetan.
Nafarroari dagokionez, Foru Komunitatean mugek itxita jarraituko dute, familia topaketak gehienez bi bizikidetza-unitatetako sei lagunenak izango dira, eta etxeratze-agindua 23:00etan mantenduko da.
Hainbat sektoretako edukierei eta mugei buruzko araudia, hala nola ostalaritzakoa, merkataritzakoa, ikuskizunetakoa, egoitzetakoa edo kirol-jardunekoa ez da aldatuko.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.