139 positibo berri Nafarroan, aurreko egunean baino 16 gutxiago
Ehun kutsatzeen langatik ezin jaitsita dabil Nafarroa azken egunetan, nahiz eta ostegun honetako datuak aurreko egunekoak baino zertxobait hobeak izan. Hain zuzen ere, 139 positibo berri atzeman dituzte azken 24 orduetan, Nafarroako Gobernuak eman dituen behin-behineko datuen arabera. Positiboen tasak ere behera egin du, % 8,3tik % 6,6ra. Guztira, 2.103 proba egin dituzte.
Atzo, berriz, 155 positibo zenbatu zituzten, eta covid-19ak jota hildako emakume baten heriotzaren berri ere eman zuten. Guztira, 1.861 proba egin zituzten (1.185 PCR eta 676 antigeno test).
Tutera ekialdea eta Murchante izan ziren atzokoan datu kaskarrenak izan zituzten udalerriak. Lehenak 9 positibo berri atzeman zituen; bigarrenak, berriz, 8.
Pertsona bat hil da azken orduetan, covid-19ak jota
Nafarroan 75 urteko gizon bat hil zen atzo, covid-19ak jota, Osasun Publikoaren Institutuak emandako datuen arabera. Bestalde, zazpi pertsona ospitaleratu zituzten gaitz horrekin lotuta, horietako bat ZIUn.
Zonaldeka, Iruñerrian pilatu dira kasu positiboen % 61, Tutera eta inguruetan % 22 eta Lizarran % 7. Gainerako positiboak (% 10) Nafarroa osoan banatuta daude.
Positibo berrien batezbesteko adina 40,2an dago gaur-gaurkoz, eta generoari dagokionez, % 53 emakumezkoak dira eta % 47 gizonezkoak.
Ospitaletako balantzea hauxe da: 124 pertsona daude ospitalean covid-19arekin (atzo baino bi gehiago). Horietatik 15 ZIUn daude (atzo baino bi gutxiago), eta beste 19 lagunek etxean jasotzen dute arreta. Gainerako gaixoak logela arruntetan daude (atzo baino sei gehiago).
Txertaketa kanpainaren datuak ere eman dituzte. 2.957 pertsonak jarri dute txertoa dagoeneko. Jai eguna izan arren, 252 dosi jarri zituzten atzo Nafarroan.
Bestalde, Nafarroako Gobernuko Osasun Sailak covid-19aren aldaera britainiar berriaren hiru kasu positibo atzeman ditu; horietako batek ospitaleetan arreta medikoa behar izan du, baina alta eman diote dagoeneko, eta beste biak hobera egin dute.
Baheketa masiboa egingo dute gaur eta bihar Erriberrin
Nafarroako Gobernuaren Osasun departamentuak baheketa masiboa egingo du gaur eta bihar Erriberrin, azken egunetan koronabirusaren eraginak nabarmen gora egin duela antzeman ostean.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.