Bingen Zupiriaren ustez, indarrean dauden neurriak nahikoak izan daitezke
Azken egunotan koronabirusaren intzidentzia tasa gora egiten ari da Euskal Autonomia Erkidegoan (EAE) eta goizean elkartu da LABIren batzorde teknikoa egoera eta balizko murrizketa berriak aztertzeko.
Batzarra hasi aurretik, Bingen Zupiria Eusko Jaurlaritzako bozeramaileak ETB1eko "Egun on Euskadi" saioan adierazi duenez, gaur-gaurkoz indarrean dauden neurri murriztaileak nahikoak izan daitezke. Astelehean egingo du bilera LABIren aholku batzordeak eta mahai gainean egon daiteke murrizketak areagotzea.
Datuek okerrera egin dutela onartuta, Jaurlaritzatik hasieratik hartu dituen neurriak "oso gogorrak" izan direla azpimarratu du Bingen Zupiriak. "Neurriak gogorrak izanik, horiek kudeatuz gero, pixkanaka-pixkanaka egora horri aurre egiteko moduan gaude", gaineratu du.
Ildo horretan, neurri berrietan baino daudenak betetzean eta betearaztean egin du azpimarra.
Asteburuari begira eta merkealdiak hasi direla kontuan izanda, osasun neurriak betetzearen beharra nabarmendu du kutsatzeak saihesteko.
Gabonetako ospakizunek kutsatze datuetan duten eraginaz galdetuta, oro har, jenderik gehiena "oso ondo portatu" dela azaldu du. Orokorrean, "jenderik gehiena zentzuz eta tentuz aritu da". Hala ere, salbuespen gisa jarri du 18-39 adin tartea.
Bingen Zupiriak txertaketa kanpaina ere hizpide izan du. Euskal Autonomia Erkidegoak 10.692 txerto jarri ditu dagoeneko, jasotakoen herena gutxi gorabehera. Txertoak gordetzeko estrategiaren egokitasunaz galdetuta, osasun agintariek hartutako erabakia defendatu du.
"Gure osasun arduradunek erabaki dute txertaketa egitea bermatuz lehendabiziko dosia jaso duen pertsonak bigarrena jasoko duela, txerto berriak jaso ala ez. Irizpide bat da, okerra bada, zuzenduko da", aldarrikatu du.
Txertoaren hornidura handituz doan heinean, txertaketa azkartuko dela zehaztu du: "Europar Batasunean txerto bakar bat dago oraingoz, hiru, lau edo bost daudenean azkarrago joango da".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.