Laudioko gaztetxea hustu dute udaltzainek
Laudioko gaztetxea jendez hustu dute ostiral honetan Udal Gobernuaren aginduz, Gazte Asanbladako kideek salatu dutenez.
Udaltzainak eguerdian bertaratu dira eta eraikinean zeuden pertsonak kanporatu ditu. Halaber, gaztetxeko hainbat kide identifikatu ditu arratsaldean kartelak jartzeagatik.
Hala Bedik zabaldutako informazioaren arabera, duela egun batzuk Udal Gobernuak argindarra moztu eta eraikina husteko agindua igorri zien Gazte Asanbladako kideei.
Gaztetxeko kideek mobilizazioak egingo dituztela iragarri dute sare sozialetan. Hala, larunbat honetarako elkarretaratzea deitu dute herriko plazan, 12:00etan, 'Erasoen aurrean, Laudioko gaztetxea aurrera!' lelopean.
Kultur etxean egiten ari diren obren ondorioz, gaztetxea itxita egon da, baina Gazte Asanbladako kideek duela gutxi ateak berriro irekitzea erabaki zuten, Laudioko gaztetxearen 20. urteurrena ospatzeko ekimenak prestatzeko asmoz.
Udalaren arabera, Gazte Asanblada obrak amaituta itzuli ahalko da.
Laudioko Udalak ohar batean adierazi duenez, kultur etxeko obrak bukatzen direnean gaztetxea erabiltzen jarraitu ahalko dute Gazte Asanbladako kideek. Azaldu duenez, Ander Añibarro alkatea, Juan Jesus Merchan Gazteria zinegotzia eta Joseba Amondo Zerbitzu eta Auzoen zinegotzia gazteekin bildu dira.
Udalaren arabera, uztailean abisatu zieten gazteei espazioa hustu beharko zutela, eta urrian jakinarazi zieten urtarrilaren 7an egin beharko zutela. Obrek irauten duten bitartean, "beharrezkoak ez diren segurtasun arriskuak ekiditea" da neurriaren helburua. Besteak beste, "leihoak aldatuko dituzte eta teilatua konponduko dute".
Udalak gazteei azaldu dienez, kultur etxeko obrak bukatu arte "beste espazio bat izango dute behar dituzten objektu guztiak gordetzeko".
Zure interesekoa izan daiteke
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.
Gizon bat hil da Oiartzungo AP-8ko zerbitzugunean izandako zirkulazio istripu batean
61 urteko gizonak furgonetarekin izan zuen istripua atzo gauean, zerbitzugune baten barruan.
Imsersoren bidaiak gaurtik aurrera egongo dira eskuragarri Hego Euskal Herriko pentsiodunentzat
Nafarrentzat gaur abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Ospakizuna lehertu da Orion eta Donostian, Kontxako bandera irabazita
Ospakizunetan dira igande osoan Orion, herriko arraunlariek Kontxako Bandera eraman ostean: 34. astindu dute gaur. Herritarren babesa jaso dute beste behin ere arraunlariek. Eguneko beste txapeldunak Arraun lagunakekoak izan dira. Eguerdian hasi dute ospakizuna zaleekin, Kontxako bandera preziatua bosgarrenez irabazi ondoren.
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.