115 pertsona kutsatu dira Muskizko Marcelo Gangoiti zahar-egoitzan
Bizkaiko Foru Aldundiak jakitera eman duenez, azken orduetan covid-19arekin lotutako bi agerraldi izan dira lurralde historiko horretako adinekoen egoitzetan. Alde batetik, Muskizko Marcelo Gangoiti zentroan 115 pertsona kutsatu dira. Bestetik, Getxoko Beato Domingo Iturraten 22 pertsona daude gaixorik, covid-19ak jota.
Baheketa egin ostean, Muskizko aipatu egoitzan 115 positibo atzeman dituzte PCR probetan (93 egoiliar eta 22 langile). Gaitza duten pertsonetatik bost covid-19an espezializatutako arreta unitateetara eraman dituzte.
Bigarren agerraldia, berriz, Getxoko Beato Domingo Iturrate zahar-egoitzan atzeman dute. Han ere, baheketa egin eta 22 pertsonak eman dute positibo covid-19an (17 egoiliar eta 5 behargin). Horietako bat ospitalera eraman dute, beste bost gaixotasun horretan espezializatutako arreta unitateetara eta gainerakoak egoitzan bertan daude.
Hiru hildako, Bizkaian
Urtarrilaren 10eko datuek erakusten dute 131 egoiliar daudela kutsatuta Bizkaiko adinekoen zentroetan, eta beste 26 ospitalera eraman behar izan dituztela. Orain arte covid-19a gainditu duten pertsonak 2.652 dira. Langileei dagokienez, 141 positibo daude eta 98 dira bakartuta dauden beharginak.
Bestalde, hiru lagun hil dira Bizkaiko egoitzetan azken egunean. Guztira, 141 pertsona zendu dira covid-19aren lehen olatua hasi zenetik.
Gipuzkoako zahar-egoitzetan ez dute positibo berririk atzeman
Gipuzkoako zaharren egoitzetan ez dute azken orduetan positibo berririk atzeman, eta ez da inor hil. Gainera, Debagoiena zentroko (Aretxabaleta) egoiliar batek gaixotasuna gainditu du.
Aldundiaren arabera, 15 pertsona ari dira arreta jasotzen gaixo daudelako Eibarko ospitalean eta Ordiziako San Jose zentroan. Gaur-gaurkoz, 62 kasu positibo daude lurralde historiko horretako adinekoen egoitzetan.
Zure interesekoa izan daiteke
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.