Pfizer konpainiak txerto banaketa aldi baterako murriztuko du Europan
Datorren astetik aurrera txerto banaketa aldi baterako murriztuko du Pfizer konpainiak, ekoizpen gaitasuna areagotu eta 1.300 dosi produzitzetik 2.000 ekoiztera pasatzeko, Norvegiako Osasun Publikoko Institutuak (FHI) jakitera eman eta ondoren konpainiak berak baieztatu duenez.
“Erabakiak urtarrila bukaerako eta otsaila hasierako bidalketei eragingo die, baina otsaila bukaeran eta martxoan pazienteek dosi kopuru dezente handiagoa izango dute eskura”, zehaztu du konpainiak agiri batean.
Pfizerrek jakitera eman duenez, ekoizpena areagotzeko prozesuan zein instalazioetan aldaketak egin beharko dituzte, eta horiek aurrera eramateko “arauak onartu beharko dira”, baina ez du xehetasun gehiagorik eman.
Norvegiako erakundeak zehaztu duenez, “aldi baterako murrizketa honek Europako herrialde guztiei eragingo die”. Horrela, Norvegiak, adibidez, 36.075 dosi jasoko ditu datorren astean, aurreikusitako 43.875ak beharrean, hau da, % 17,78 gutxiago.
Une honetan, Espainiak 350.000 dosi jasotzen ditu astelehenero, Osasun Ministerioaren arabera. Norvegiak jakinarazitako murrizketa aplikatzen baldin badiote, astero 62.230 dosi gutxiago jasotzera pasako litzateke, hau da, 287.770.
Norvegiak jakitera eman duenez, "oraindik ez dago argi zenbat denbora pasako den Pfizerrek ekoizpen gaitasun osoa berreskuratu arte".
Agindutako dosi guztiak iritsiko direla azpimarratu du Europar Batzordeak
Pfizerrek txertoaren banaketa aldi baterako eten egingo duela jakin ostean, Ursula von der Leyen Europar Batzordeko presidenteak esan du enpresa farmazeutikoari erosi zaizkion dosi guztiak urteko lehen hiruhilekoan iritsiko direla Europar Batasunera.
Von der Leyenek azaldu duenez, Pfizerreko arduradunekin hitz egin du eta "dosi guztiak urteko lehen hiruhilekoan banatuta" egongo direla ziurtatu diote.
"Badakite egoera oso zaila dela, lehendabiziko dosiak jarri ditugula eta laster bigarrena eman beharko dugula; beharrizan medikoa da", adierazi du Lisboan egin duen agerraldi batean.
Halaber, gogora ekarri du batez beste 10 urteko epea behar izaten dela txerto bat garatu eta banatzeko, eta prozedura urtebetean eginda arazoak sor zitezkeela espero zutela erantsi du. Hala, lasaitasunerako deia egin du.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.