Garraio Sailak sakelakoen datuak erabiliko ditu Mugikortasun Ikerketa berria egiteko
Eusko Jaurlaritzako Lurralde Plangintza, Etxebizitza eta Garraio Sailak sakelakoen datuak erabiliko ditu, lehen aldiz, Euskadiko Mugikortasun Ikerketa berria egiteko. Txostenarekin herritarren mugikortasun modu eta fluxuak datuak izango dituzte eskura garraio jasangarriago bat lortzeko helburuarekin.
Sailak datozen egunetan esleituko du proiektua —400.000 euroko aurrekontua du—. Aurreneko aldiz, telefono mugikorrek eskaintzen dituzten datuak eta Big Datako beste baliabide batzuk erabiliko dituzte EAEko, hiru lurraldeetako eta udaletako mugikortasunaren diagnosia egiteko.
Izan ere, mugikortasunaren nondik norakoak ezagutzea "ezinbestekoa" da beharren araberako garraiobide publikoen zerbitzua eskaini ahal izateko, baita "horien eskuragarritasun unibertsala bermatzeko ere". Hala, helburua da azken txostenak —2016koak— emandako "argazkia" eguneratzea da asmoa, eta "garraio sistema jasangarriago baten bidean aurrera egitea".
Azken datuak, 2016koa
Txostenean honako datuak jasotzen dira, besteak beste: garraio mota ezberdinen erabilera (oinez, bizikleta, auto partikularra, autobusa, metroa, trena...), mugikortasun zioak eta lurralde, hiriburu eta eskualdeko mugikortasun fluxuak (barne zein kanpokoa). Hala, garraio moduen eta eskariaren bilakaera ikus daiteke, baita azken urteetan egondako aldaketa nagusiak ere.
Orain arte erabilitako iturriez gain (telefono bidezko inkestak, aurrez aurrekoak, garraiobide publikoek zein pribatuek emandako datuak), 2021eko txostenerako mugikorrek emandako datuak eta big dataren bidez bildutakoak izango dituzte ikerketa egiteko.
Datuok (erabat anonimoak) edukitzea "jauzi kualitatiboa" izango da ikerketa horrentzat, eta "egungo errealitatearen argazki fidelagoa" eskainiko du, Garraio Sailak zehaztu duenez.
APP berria
Halaber, Iñaki Arriolaren Sailak MovEuskadi izeneko aplikazioa garatuko du datozen hilabeteetan. Helburua da EAEko garraio sistemari buruzko informazioa eskaintzea eta unean uneko euren arteko konexioen berri ematea. Horri esker, erabiltzaileek eskura dituzten zerbitzuak zeintzuk diren eta dituzten tarifak ezagutu ahalko dituzte, euren joan-etorriak hobeto planifikatzeko eta, bide batez, garraiobide publikoa gehiago erabiltzeko aukera emateko.
Zure interesekoa izan daiteke
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.