Gorenak atzera bota ditu Cabacas auziko ebazpenaren aurkako helegite guztiak
Auzitegi Gorenak bi urteko kartzela-zigorra eta lau urteko gaitasungabetzea berretsi du ertzain baten kontra Iñigo Cabacas athleticzalearen heriotzarekin lotuta zuhurtziagabekeria omisibo larria egotzita.
Hori horrela, Zigor Aretoak atzera bota ditu helegite guztiak, zigortutako ofizialarena barne, eta Bizkaiko Lurralde Auzitegiaren ebazpena berretsi du osorik. Auzipetuta zeuden beste bost agenteak absolbitu egin zituzten ezin izan zutelako egiaztatu nork jaurti zuen Cabacas hil zuen gomazko pilota, eta polizia-operazio hartan parte hartu zuen kargudun gorena da zigortutako bakarra.
Biktima Ertzaintzak jaurtitako gomazko pilota batek buruan jota hil zen 2012ko apirilaren 5ean, Athleticek Schalke 04ren aurka jokatu ostean.
Ebazpena iritsi eta berehala, Jorge Aldekoa Ertzaintzaren orduko buruak dimisioa eman zuen, eta orain Gorenak berretsi egin du Bizkaiko Lurralde Auzitegiak erabakitakoa, auzipetuak eta Cabacasen gurasoek aurkeztutako helegiteak atzera botata.
Ofizialarekin batera bi furgonetatako bi azpiofizial eseri ziren aulkitxoan, eta beste hiru agente. Bost horiek absoluzioa jaso zuten.
Auzia aztertu ostean, Auzitegi Gorenak ebatzi du "agerian" geratu dela Cabacasen heriotza eragozteko nahikoa zela ertzainak "ez kargatzeko agindu izana", "ez baitzen beharrezkoa".
Familiak gainerako auzipetuak zigortzeko egindako eskaera ere ez du onartu, ezin izan zutelako identifikatu tiroaren egilea.
Epaiketa justurako eskubidea urratu ziotela ere errefusatu du Gorenak, nahiz eta ikerketa eskasa izan zela onartu. Izan ere, Bizkaiko Auzitegiak eskastzat jo zuen Ertzaintzaren ikerketa, gomazko pilotakada batekin zauritutako pertsona bat zegoela jakinda ere armak jaso zituztelako nork erabili zituen jakin gabe, eta "berehala garbitu zituzten", "frogak aurkitzea galaraziz".
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.