Ipar Euskal Herria hirugarren itxialdi baten atarian egon daiteke
Lapurdi, Behe Nafarroa eta Zuberoa itxialdi berri baten atarian egon daitezke; izan ere, Frantziako Gobernuak hirugarren konfinamendu bat ezar dezake datozen egunetan. Iragan astean etxeratzeko agindua aurreratzeko erabakia hartu zuten, baina egoera epidemiologikoak hobera egiten ez baldin badu itxialdia martxan jar dezakete, Olivier Veran Osasun ministroak jakitera eman duenez.
Le Journal du Dimanche astekariak igande honetan argitaratu duenez, “gutxienez hiru asteko” konfinamendu bat berehala ezarri beharko dutela uste dute Frantziako Gobernuko zenbait goi-kargudunek. Emmanuel Macron presidenteak asteazkenean bertan iragarri dezake, defentsa kontseilua bildu ondoren.
“Lehendabizi etxeratzeko aginduaren eraginaren inguruko datuak izan nahi ditut. Datorren astean izango ditugu. Behera egiten ez baldin badute, aldaerak zabaltzen hasten baldin badira, neurri gehiago hartuko ditugu, noski. Eta hori itxialdia du izena”, azaldu du Veranek Le Parisien egunkarian.
Beste aukerarik ez badago soilik itxiko dute berriro, Veranek adierazi duenez. Urriaren bukaeran ezarritako konfinamendua, martxokoa baino malguagoa eta ikastetxeak zabalik zirela, eraginkorra izan zen.
“Gure herrialdeak tentsio epidemiko handia bizi du, ospitaleratze baino sendagiri gehiagorekin. Zoritxarrez, 'deja vu' sentsazioa dugu. Etxeratzeko aginduak funtzionatu behar du, aldaera berriei eusteko eta denbora irabazteko balio behar du”, esan du Veranek.
Azken asteetan neurri berriak martxan jarri ditu Frantziak, birusari aurrea hartzeko. Egunean batez beste 23.000 positibo berri atzematen ari dira.
Urriaren bukaeratik abenduaren erdialdera herritarrek bigarren itxialdia pairatu ondoren, Exekutiboak 20:00etan etxeratzeko agindua ezarri zuen, eta iragan larunbatean 18:00etara aurreratzeko erabakia hartu zuen, gutxienez bi astez.
Bestalde, igande honetatik aurrera, Frantzian hegazkinez eta ontziz sartzeko, bidaia egin baino 72 ordu lehenago egindako PCR probaren emaitza negatiboa aurkeztu behar izatea inposatu die Gobernuak EBko herritarrei.
Gainera, Atzerri Ministerioak bere webgunean gomendio sorta eman die bidaiariei: herrialdera heldu eta PCR negatiboa aurkeztu ondoren, europarrek zazpi eguneko koarentena egin beharko dute, eta amaieran beste diagnostiko bat egin. Lurretik (errepidez edo trenaz) iristen direnak salbu geratzen dira.
Azken egunean 23.924 positibo berri jakinarazi ditu Frantziak, eta 321 hildako ospitaleetan. Martxotik 72.877 pertsona zendu dira koronabirusarekin.
Positibotasun tasa % 7,1ean kokatu da, eta azken zazpi egunetan 10.915 covid paziente ospitaleratu dituzte. Egun ia 26.000 pertsona daude Frantziako ospitaleetan, horietatik ia 3.000 ZIUn.
Aldi berean, txertaketa kanpainak aurrera jarraitzen du. Horrela, abenduaren 27tik milioi bat pertsona baino gehiagori txertoa jarri diete.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.