Santa Marinan txertoa hartu zuen CCOO sindikatuko ordezkaria kargutik kendu dute
Gotzone Sagardui Osasun sailburuak jakinarazi duenez, Santa Marina ospitalean Jose Luis Sabas zuzendariaz gain, beste 16 pertsonak hartu zuten covid-19ari aurre egiteko txertoa, ez zegokien arren. Horien artean lau ordezkari sindikal daude, besteak beste.
Informazio hori publiko egin ostean, CCOO sindikatuak erietxe horretan duen ordezkaria kargutik kendu duela jakinarazi du. ELA eta UGT sindikatuek, berriz, beren ordezkariei txertoa eman izana babestu dute. Eta LABek argitu du bere ordezkariak ez duela txertorik hartu.
"Txertaketarako protokoloa urratzea larria da eta neurriak hartu behar izan ditugu", adierazi du ohar baten bidez CCOOk, eta Osasun Sailari auzi honetan “maila bera” eman dezala exijitu dio.
Eusko Jaurlaritzak txertaketarako protokoloa argitu eta gardentasunez jokatu behar duela azpimarratu du.
ELA sindikatuak azaldu duenez, bere ordezkaria ospitaleko Osasun eta Segurtasun Batzordeko bilera batean zegoenean, Santa Marianan lantalde guztiari eta normalean zentroan egoten diren pertsona guztiei txertoa jarriko zietela jakinarazi zioten.
"Zuzendaritzak aginduta, txertoa berehala jartzea komeni zela esan zioten, bere lana segurtasunez egiteko eta ospitalea babesteko, ordurako erietxeko langile guztiek txertoa hartu zutela ziurtatuta; eta bilera amaitu ostean hala egin zuen", erantsi dute.
Informazio hori zabalduta Sagarduik "arreta desbideratu" nahi duela salatu dute. "Toki batzuetan txertaketarako protokoloa ez da bete eta horrek erakusten du Osasun Sailaren kudeaketa txarra izaten ari dela", kritikatu dute.
Horrela, bada, Osasun sailburuari ardura bere gain hartzeko eskatu diote, Santa Marinan eta Basurtun gertatutakoa "planifikazio faltaren eta kudeaketa txarraren" ondorio dela iritzita.
Euskadiko UGTk ere antzeko adierazpenak egin ditu eta esan du Sagarduik ezin duela auzi honetan beste aldera begiratu.
"Osasun zentroetan dauden gure ordezkari sindikalek zentro horietako prebentzio taldeek agintzen dutenean jarri dute txertoa. Ez dugu publiko egin behar, ezta ezkutatu ere. Laneko arriskuen prebentziorako taldeen irizpideak jarraitzen ditugu eta oraingoa ere hala izan da. Ez dugu inolako presiorik egin txertoa jar diezaieten", azpimarratu du sindikatuak ohar batean.
Bestalde, LAB sindikatuak argitu du bere ordezkariak ez duela covid-19aren aurkako txertoa hartu.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.