Bi atxilotu Donostian eta Igorren, desordena publikoak eta erasoak leporatuta
Bi gazte atxilotu dituzte bart Donostian (Gipuzkoa) eta Igorren (Bizkaia), covid-19aren aurkako araudia ez betetzea eta Ertzaintzari aurre egitea egotzita.
Eusko Jaurlaritzako Segurtasun Sailetik jakitera eman dutenez, gazte talde bat Gipuzkoako hiriburuko Konstituzio plazan elkartu zen 20:45 aldera, eta edukiontziak gurutzatu zituzten. Polizia-patruilak bertaratu zirenean, jada ez zeuden bertan, eta edukiontziak beren lekuan jarri zituzten.
Handik gutxira, 21:35 aldera, 200 gazte inguru bildu ziren Boulevardeko eta Aldamar kaleko elkargunean. Covid araudia urratzen ari ziela eta, Ertzaintza bertaratu zen, eta harriak eta botilak jaurti zizkieten. Gainera, gazte batzuek Aldamar kalean zeuden motorrak irauli zituzten.
Ertzaintzak 15 urteko gazte bat atxilotu zuen, desordena publikoak egotzita, eta, geroago, gazteak sakabanatu egin ziren, Ertzaintzak istiluen aurkako materiala erabili gabe.
Igorren, botiloiak prebenitzeko polizia-dispositibo batek zortzi gazte aurkitu zituen 20:30 aldera kalean edaten, eta identifikatzera joan zirenean, haietako batek ostiko bana eman zien bertaratu ziren bi ertzainei. Agenteek gaztea atxilotu zuten autoritatearen aurkako atentatua egotzita.
Era berean, Irunen (Gipuzkoa), 18:10 aldera, botiloia egiten ari ziren gazte talde bat aurkitu zuten ertzainek, eta zazpi pertsona identifikatu zituzten, 19 zigor izapidetzeaz gain.
Gainera, Mundakan (Bizkaia), Ertzaintzak 10 gazte identifikatu zituen lonja baten kanpoaldean, 23:40an, eta 10 zigor proposatu zizkien.
Zure interesekoa izan daiteke
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.
Tessy Ebosele euskal atleta biral egin da sareetan "iruzkin krudelak" salatu ostean
Tessy Ebosele atleta arabarra, birala egin da Europako Atletismo Txapelketan parte hartu ondoren egindako adierazpenengatik. Gasteizen bizi den luzera-jauzilariak gogor kritikatu du atletek sare sozialetan jasotzen dituzten iruzkin negatiboak, eta esan du halako mezuek sekulako eragina dutela lehiatzerako orduan. Malkoak begietan, argi baino argiago hitz egin du.
Llantenoko sutea itzaltzeko lanean jarraitzen dute, garrak kontrolpean hartu ondoren
Laudioko, Langraizko eta Espejoko parkeetako suhiltzaileak, Nekazaritza Brigadako kideak, basozainek gidatutako bulldozerrak eta Larrialdietako helikopteroa lanean ari dira.
Laia eta Oihan, jaioberrien izen ohikoenak Euskadin
2025ean jaiotakoen artean izen arruntenak Laia, Ane eta June, eta Oihan, Markel eta Martin izan dira.