Uholdeak izan dira Lekeition eta luiziak Zarautzeko eta Bermeoko errepideetan
Goizean gogotik bota du eta euriak arazo ugari sortu ditu. Uholdeak izan dira Lekeition (Bizkaia). Alonsotegin Cadagua ibaia oso hazita eta hainbat puntutan bidetik atera da. Erandion aldiz, ur putzuak izan dira oztopo, eta Asua auzoan Ertzaintzak bidea moztu behar izan du. Denboraleagatik suhiltzaileek dozenaka irteera egin behar izan dituzte.
Eusko Jaurlaritzako Segurtasun Sailak amaitutzat eman du azken orduetan prezipitazio handiengatik indarrean egon den abisu horia. Gauerditik, 51 l/m2 pilatu dira Cerrojan eta 49 l/m2 Matxitxakon.
Emandako datuen arabera, puntu hauetan metatu da kantitate gehien orduko: Añarbeko neurketa-puntuan 14,6 l/m2, Miramongo neurketa-puntuan 13,6 l/m2, Berriatuko neurketa-gunean 13,1 l/m2 eta Oletako neurketa-puntuan 10,5 l/m2.
Prezipitazio handiengatiko abisua indargabetu arren, hurrengo orduetan euria egiten jarraituko duela aurreikusten da. Prezipitazio gutxi espero da, eta tarteka arina isurialde atlantikoan eta bereziki ekialdean.
Euria Donostian. Argazkia: EFE
N-634 errepidea itxi dute Zarautzen eta BI-631 Bermeon, luiziengatik
Harri eta lokatz jausiak izan dira larunbat honetan, eta N-634 errepidea erabat itxi behar izan dute Zarautzen (Gipuzkoa) eta BI-631 Bermeon (Bizkaia), Eusko Jaurlaritzako Segurtasun Sailak jakitera eman duenez.
Zarauzko lur-jausia 14:30ak pasatxo zirenean gertatu da, N-634 errepideko 20,5 kilometroan. Zirkulazioa 15:00etan itxi dute bi noranzkoetan, eta Udaltzaingoak trafikoa Meagas gainetik desbideratzeko dispositiboa ezarri du.
15:00ak pasata, lur jausia izan da Bermeoko BI-631 errepideko 32,6 kilometroan, eta zirkulazioa eten behar izan dute han ere. BI-301 errepidetik Bakiora eta BI-2101 errepidetik Mungiara bideratzen ari dira joan-etorriak.
Zure interesekoa izan daiteke
Ceutara heldutako ehunka migratzaile hondartzan daude, gero eta egoera prekarioagoan
Poliziak Trampolin hondartza inguratu du, migratzaileak hirira irten ez daitezen. Elikagai falta, ur-eskasia eta bildutako pertsonen arteko tentsioa handituz doaz egunetik egunera eta migratzaileen egoera gero eta gogorragoa da, batez ere beren etorkizunari buruzko ziurgabetasuna dela eta.
Gizon bat atxilotu dute Donostian emakume bati sexu-erasoa egitea leporatuta
Erasoa larunbat goizaldean egin zuen, Amarako etxebizitza batean, eta atxiloketa goiz horretan egin zuen Ertzaintzak. Atxilotua epailearen esku dago jada.
Artxandako tuneletako Deustuko tartea bihar irekiko dute berriro
Bizkaiko Foru Aldundiak estaldura, drainatze-sistemak, ebakuazio-galeriak, argiztapena eta gorabeherak detektatzeko sistema automatikoak hobetu ditu. Udazkenean, Salbeko zatiaren txanda izango da.
Gizon bat atxilotu dute Angelun 10 urteko alabari sexu-abusua egitea leporatuta
Erasoak ikasturte barruko oporretan jazo dira, neskatoa aitaren etxean zegoen bitartean. Epailearen aginduz, gizona espetxeratu egin dute, behin-behinean.
Zisterna-kamioiak ura Karrantzara eramaten hasi dira, hornidura bermatzeko
Astelehenetik ostiralera, egunero, 250 metro kubiko eramango ditu foru erakundeak Enkarterriko udalerriko hornidura bermatzen laguntzeko.
Migratzaileak Ceutan sartzea ekintza antolatua izan zen ala ez ikertzen ari da Auzitegi Nazionala
Maria Tardon epaileak aurretiazko eginbideak abiatu ditu, eta Polizia Nazionalari txostena egin dezala eskatu dio, uztailaren 30ean eta 31n Ceutara iritsitako migratzaile kopuru handiak erakunde kriminal batek hitzartutako edo zuzendutako jarduera izan ote zen argitzeko.
Babeslekurik eta janaririk gabe: migrazio-krisiak gainezka utzi du Ceutako migrazio-zentroa, eta GKEak ere gainditu egin ditu
Atzerritarrentzako Aldi Baterako Egonaldi Zentroa gainezka dago azken egunotan. Marokotik zein Saharaz hegoaldeko Afrikako herrialdeetatik —Sudanetik eta Txadetik, besteak beste— iritsitako ehunka migratzaile Trampolin hondartzan eta migrazioa-zentroaren kanpoaldean daude zain, tokirik ez dutelako. Bien bitartean, migrazio-presioak GKEak ere gainditu egin ditu. Haien lehentasuna iritsi zirenetik jan barik dauden migratzaileei janaria ematea da, eta, gainera, haien eskubideei buruzko informazioa ematen diete.
betiONek bere zerbitzua zabalduko du nahi ez den bakardadea detektatzeko eta 1.500 zaintzaileri laguntzeko
Telelaguntza-zerbitzu publikoak bakardade-arriskuan dauden erabiltzaileentzako plan pertsonalizatuak gehituko ditu, eta adineko edo mendeko senitartekoak etxean zaintzen dituztenentzako laguntza zabalduko du. Hortaz, uztailean iragarritako telelaguntza prediktibo eta aurreratuaren hedapena osatu egingo da.
Zer da 764 sarea, Gipuzkoako 10 ikastetxetan tiroketa-mehatxuak egin zituen erakunde kriminala
Ertzaintzak, Esquadra Mossoekin eta Guardia Zibilarekin batera, 17 urteko adingabe bat atxilotu du Gipuzkoan. Gazte hori Espainiako Estatuan erakunde transnazional horren erreferente nagusia da, eta gazte kalteberen sextortsio, mehatxu eta manipulazio delituengatik ikertzen ari dira.
Jaien hasiera dela eta, Gasteizko Andre Maria Zuriaren plazako landare-eskultura kendu dute
Urtero bezala, Andre Maria Zuriaren jaiak direla eta, Gasteizko Udalak aldi baterako kenduko du Andre Maria Zuriaren plazan dagoen landare-eskultura, jende gehien biltzen den ekitaldietan kaltetu ez dadin.