Covid-19ak animalia-jatorria du, Munduko Osasun Erakundearen arabera
Koronabirusaren jatorria ikertzera Txinara joandako Munduko Osasun Erakundearen (MOE) ikerlari taldeak ondorioztatu duenez, SARS-CoV-2ak animalia-jatorria du, eta 2019ko abenduan agertu zen Wuhan hirian (Txina).
Ikerlariak urtarrilaren 14an heldu ziren hiri txinatarrera, eta bi asteko koarentena bete ondoren, lehen kutsatzeak izan ziren lekuetan izan dira, hala nola Huanango itsaskien merkatuan.
Peter Ben Embarek MOEko elikagaien segurtasunean eta animalien gaixotasunen aditu eta Wuhango ikerketa-taldeko presidenteak azaldu duenez, ikerketak baztertu egin du birusa laborategi batean sortu zutela.
"Ia erabat baztertu behar dugu birusak laborategi-jatorria duela", azaldu du adituak, eta ikerketa-lerro hori alboratu du.
Lau hipotesi mahai gainean
Wuhanen bertan eskainitako prentsaurreko batean Embarekek azpimarratu du oraindik ez dutela jakin nola sartu zen covid-19a Huanango azokan, baina ziurtzat jo dute aurretik hiriko beste gune batzuetan transmititu zela. Dena den, koronabirusa 2019ko abenduan sortu zela berretsi dute, aurreko ezein data baztertuta.
Animalietatik gizakiengana jauzi egiteko moduaren harira, lau hipotesi ditu MOEk. Lehena, animalia batetik gizaki batera salto egin zuela, zuzenean. Bigarrena, saguzarren edo "gizakiarengandik gertuago dauden bitarteko animalien bidez" gertatu zela. Hirugarren hipotesiaren arabera, izoztutako produktuek edo elikagaiek igorle gisa funtzionatu zuten. Hipotesi horren alde mintzatu da Liang Wannian Txinako Osasun Ministerioko aditu taldeko burua. Argudiatu duenez, baliteke birusa beste herrialde batetik inportatu izana.
"Litekeena da gizakia bitarteko animalia baten bidez kutsatu izana; gehiago ikertu beharko dugu", nabarmendu du Embarekek.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.