Osakidetzak AstraZenecaren 9.100 dosi banatuko ditu kolektibo berrien artean
Gotzone Sagardui Osasun sailburuak azpimarratu du Jaurlaritzak jaso dituen AstraZenecaren lehenengo 9.100 dosiak "paraleloki" banatuko dituztela Pfizerren eta Modernaren txertoekin batera, baina beste hurrenkera batean, Espainiako Estatuko Osasun Publikoaren Erkidego Arteko Batzordeak ezarritako irizpidearen arabera.
Sagarduik agerraldia egin du Eusko Legebiltzarreko Osasun Batzordean, eta gustura agertu da AstraZenecaren txertoarekin covid-19aren aurkako borroka indartu ahal izango dutelako, nahiz eta aitortu ez dagoela "lasaitzeko arrazoirik" EAEn 100.000 biztanleko 541 kasuko intzidentzia dagoen bitartean.
Sagarduik azaldu duenez, erkidego arteko batzordeak lehentasun hurrenkera bat ezarri du AstraZenecaren txertoentzat, Pfizerrenaren eta Modernaren paraleloa.
Sailburuak gogorarazi du txerto hori zentro soziosanitarioetako profesionalei eta udaletako etxeko arreta zerbitzuetako langileei emango dietela.
Era berean, mediku, fisioterapia, errehabilitazio eta podologia kontsulta partikularretako profesionalei ere emango diete txerto hori, eta baita adinekoen etxebizitza komunitarioetako langileei ere, adinekoen erlijio kongregazioak barne (15 pertsonatik beherakoak).
Ebazpen judiziala duten adingabeentzako zentroetako eta helduen espetxeetako langileek, eta oinarrizko profesionalen (osasun, segurtasun, ongizate sozialerako eta erakundeen funtzionamendu eraginkorrerako langileak) kolektiboek ere jasoko dute AstraZenecaren sendagaia.
"Oinarrizko" profesionalen artean, "kutsatzeko arrisku handienetik txikienera" emango dute txertoa. Hori horrela, poliziak eta lehen eta bigarren hezkuntzako irakasleak izango dira sendagaia jasotzen lehenak.
Txertaketa datorren astean hasiko da komisaldegietan, eta Segurtasun Saileko osasun langile kualifikatuek emango dute.
Ondoren, farmazialariak eta farmaziako laguntzaileak, supermerkatuetako kutxazainak, garraio publikoko garraiolariak, ofizioko abokatuak, ehorztetxeetako langileak eta beste batzuk txertatuko dituzte. Osakidetzak, enpresako osasun langileek edo mutuak emango dute txertoa kasu horietan.
Gutxienez 15 minutuz musukorik gabe gaixoak artatzen dituzten osasun langileei (estomatologoak, odontologoak, dentistak, medikuntza estetikakoak, logopedak eta foniatrak) AstraZenecaren txertoa eman behar zieten hasiera batean, baina azkenean Pfizerrena edo Modernarena jasoko dute.
"Aurreikusitakoaren arabera"
Sagarduik azaldu du bigarren dosiaren banaketa amaitzen ari direla adinekoen egoitzetan, eta Osakidetzako "lehen lerroko" langileen txertaketa amaitzear dagoela. Ondoren hasiko dira klinika pribatuetako "lehen lerroko" langileak txertatzen, Osakidetzako gainerako langileak, eta herritar guztiak.
Sailburuak txertaketa kanpainaren datuak eguneratu ditu, eta jakinarazi du dagoeneko 82.624 eman dituztela; horietatik 50.885, lehenengo dosikoak.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.