80 urtetik gorakoei martxotik aurrera jarriko diete txertoa Nafarroan
Nafarroan dagoeneko 37.564 txerto jarri dituzte arlo soziosanitarioan, osasun-arloan eta mendekotasun handiko enpresetan, horiek baitziren lehen txertaketa-fasean lehenetsitako taldeak, Santos Indurain Osasun kontseilariak jakitera eman duenez. Aurreikuspenen arabera, 80 urtetik gorakoei martxoan hasiko zaizkie txertoa ematen.
Kontseilariak nabarmendu duenez, Nafarroa "arrisku handiaren eta arrisku oso handiaren arteko mugan dago", baina, beste 15 egunez luzatu diren neurri murriztaileekin eta txertoekin, itxaropentsu agertu da. "Ospitaleetako presioa murrizteko, kurba txikitzen joan gaitezke", esan du Santos Indurainek. Asteazken honetan 87 positibo atzeman dituzte Nafarroan, aurten lanegun batean erregistratutako kopururik baxuena.
Aste honen amaieran, esan duenez, txertaketa-prozesu osoa amaituko da egoitzetan: 14.000 pertsona baino gehiagori jarri zaie txertoa, egoiliarrak eta langileak kontuan hartuta. Gainera, mendekotasun handia duten ia 2.000 pertsonen eta sare publikoko eta pribatuko 16.000 osasun-langileen erdiek jaso dute jada lehen dosia.
AstraZenecaren dosiak iristen direnean (55 urtetik beherakoentzat), berriz, birusarekiko harreman-arrisku txikiagoa duten beste osasun-langile batzuei jarriko zaizkie txertoak (bai ospitaleetan edo kontsultetan lan egiten dutenei, bai fisioterapeutak edo farmazeutikoak bezalako kolektiboetakoei), eta gero, Nafarroako ibilbide-orriaren arabera, funtsezko beste zerbitzu batzuk etorriko lirateke.
Nolanahi ere, Osasun Departamentuaren aurreikuspena da hurrengo txertaketa-fasearekin lehenbailehen hastea, ahal dela martxoan bertan edo otsailaren amaieran, herritar guztiengana heltzeko. 80 urtetik gorako pertsonek izango dute lehentasuna.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.