Positiboen tasa % 3,4an kokatu da Nafarroan
Atzo, 97 positibo berri izan ziren eta 84 urteko gizon bat hil zen covid-19arekin Nafarroan. 2.869 proba egin zituzten eta positiboen tasa % 3,4an kokatu da.
Guztira, 50.121 pertsona daude kutsatuta eta 1.074 heriotza izan dira pandemia hasi zenetik.
Egun, 159 lagun daude ospitalean covid-19ak jota. Atzo, beste bederatzi pertsona eraman zituzten erietxera, baina bakar bat ere ez zaintza berezietako unitateetara.
Udalerriei dagokienez, Iruñean eta inguruko herrietan antzeman dituzte kasuen erdia baino gehiago (% 52).
Adina kontuan hartuta, positibo gehienak 15-29 eta 45-59 adin tarteetan detektatu dituzte, % 27 eta % 23, hurrenez hurren.
Positibo berrien bataz besteko adina, berriz, 40 urtetan dago.
Ospitaleetan 159 pertsona daude koronabirusarekin, atzo baino hiru lagun gutxiago. Zainketa intentsiboetako unitateetan, berriz, 25 paziente daude, bezperan baino hiru gutxiago.
Atzo, 1.364 txerto jarri zituzten eta guztira 38.928 nafarrek hartu dute covid-19ari aurre egiteko txertoa. 14.275 dira dagoeneko bi dosiak hartu dituzten lagunak.
Ikastetxeetako egoerari dagokionez, azken orduetan 42 ikasle jarri dituzte koarentenan. Guztira, 1.082 ikasle daude isolatuta eta 53 ikasgela itxita.
Andui britainiarra zabaltzen ari da
Bestalde, Santos Indurain Osasun kontseilariak baieztatu du covid-19aren andui britainiarra hedatzen ari dela eta azken orduetako positiboen artean % 18,36 kasutan detektatu dutela.
Ildo horretan, esan du ezinbestekoa dela aldaera ezberdinak antzemateko tresnak indartzea eta ziurtatu du orain arte hartutako neurriak eraginkorrak direla. Alabaina, zuhurtziaz eta arduraz jokatzeko deia egin du.
Andui britainiarraren harira, Indurainek adierazi du espero zutela haren hedapena eta "kezkatuta" daudela. Halaber, detekziorako erremintak eta metodologia eguneratu dituztela eta Erresuma Batutik etorritako pertsonekin harremanetan egon diren lagunei probak egiten dizkietela gogoratu du, baita baheketa aleatorioak ere.
"Andui britainiarra azkarrago hedatzen da, errazago kutsatzen delako, baina oraingoz ez dago froga zientifikorik larriagoa edo hilkorragoa dela baieztatzeko", azaldu du. Hori bai, kutsatzeak azkarrago ematen badira, horrek ospitaleetan eragina izango duela ohartarazi du.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.