Hirugarrenez zigortu dute Kote Cabezudo, oraingoan justiziari trabak jartzeagatik
Kote Cabezudo argazkilari donostiarrari 425 euroko isuna ezarri diote, justiziari trabak jartzen saiatu izana leporatuta.
Dagoeneko hiru aldiz zigortu dute. Bi ebazpen irmoak dira eta hirugarrenaren aurka bere defentsak aurkeztu zuen helegitea aztertzen ari dira Gipuzkoako Lurralde Auzitegian. Laugarren epai bat noiz aterako zain dago, eta oraindik beste bi epaiketa egin behar dizkiote.
Hogei bat modelori iruzurra eta sexu-delituak egiteagatik ikerketapean dago. Auzi nagusiaren ikerketa 2013an abiatu zuten. Cabezudori 47 delitu leporatzen dizkiote, baina oraindik ez dute epaiketarako data zehaztu.
Auzi printzipal horretatik abiatuta beste hainbat prozesu judizial ireki zizkioten, eta horietako baten epaiketa asteazken honetan egin dute Donostiako epaitegian, justiziari traba egiten saiatzeagatik.
EFE agentziak azaldu duenez, 2014ko uztailaren 30ean, Ertzaintzak Cabezudoren etxea miatu zuen euskarri informatikoetan omen zeukan "material pornografikoa" konfiskatzeko asmoz.
Alabaina, Interneteko zerbitzari batean ere gordetzen zituen bere biktimei ateratako irudiak eta Ertzaintza eskuratu aurretik artxibo guztiak borratzen ahalegindu zen.
Gaurko saioan, Cabezudok dena aitortu du eta Fiskaltzak eta akusazio partikularrak egindako zigor-eskaria onartu du: justiziari traba egiten saiatzeagatik 425 euroko isuna ordaindu beharko du.
Zure interesekoa izan daiteke
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.