Nafarroak otsailaren 26an zabalduko du berriz tabernen eta jatetxeen barrualdea
Nafarroak apur bat arinduko ditu covid-19aren kontrako neurri murriztaileak, eta hala, datorren ostiralean, hilaren 26an, barrualdea zabaldu ahalko dute berriro Nafarroako tabernek eta jatetxeek, betiere % 30eko edukierarekin. Horrez gain, egun horretatik aurrera, eremu pribatuko bilkurak sei pertsonakoak izan ahalko dira (orain arte laukoak baimentzen ziren gehienez). Dena dela, erkidegoaren itxiera perimetralari eta etxeratze aginduari eutsiko dio beste 15 egunez.
Javier Remirez Nafarroako Gobernuko presidenteordeak azaldu duenez, datuen "bilakaera ona" aintzat hartuta. Santos Indurain Osasun kontseilariak zehaztu duenez , "arrisku oso handia izatetik arrisku handira" igaro da foru erkidegoa.
Indurainen ustez, "malgutze partzial eta progresibo bat egin behar da, kutsatzeak gutxitu eta txertaketa kanpainan aurrera egiteko". Azaldu du Nafarroa bide hori egiten ari dela, baina "egoera normalizatu batetik urrun" dagoela oraindik. "Malgutzea bai, baina lasaikeriarik, ez", ohartarazi du.
Malgutze neurriok hilaren 26an sartuko dira indarrean. Tabernek eta jatetxeek euren establezimenduen barrualdea % 30eko edukierarekin zabaldu ahalko dute, eta eremu pribatuan, bizikidetza unitate bikoa izango da (gehienez sei pertsona).
Merkataritzari eta aisialdi, kultura eta kirol ekitaldiei dagozkien neurriak datozen egunetan zehaztuko dituzte, sektoreekin bildu ostean.
Neurriok martxoaren 11ra arte egongo dira indarrean, eta luzatu edo aldatu ahalko dira egoera epidemiologikoaren arabera.
Nafarroak 214 kasuko intzidentzia tasa metatua du (14 egunetakoa, 100.000 biztanlekoa), eta 75,36koa, azken zazpi egunetakoari dagokionez. Halaber, positibotasun tasa hainbat egunez egon da % 5etik behera. Ospitaleetako egoera egonkor dago: 89 gaixo daude gela arruntetan eta 23, ZIUetan, aurreko asteetan baino nabarmen gutxiago.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.