AstraZenecaren txertaketa aldi baterako geldiarazi dute EAEn eta Nafarroan
Eusko Jaurlaritzak eta Nafarroako Gobernuak AstraZenecaren txertoarekin egiten ari ziren kanpaina aldi baterako gelditzeko agindua eman dute. Aurrez, premiazko bilera batean, lurraldeen arteko Osasun Batzordean AstraZenecaren txertaketa 15 egunez eteteko erabakia hartu dute.
Hainbat herrialdetan zenbait tronbosi kasu izan dira eta Sendagaien Europako Agentziak eta Osasunaren Munduko Erakundeak txertaketarekin lotuta dauden argitzeko ikerketa bana abiatu dituzte.
Bitartean, Espainia, Frantziak, Alemaniak, Frantziak eta beste hainbat herrialdek AstraZenecarekin egiten ari ziren txertaketak behin-behinean geldiaraztea erabaki dute.
Eusko Jaurlaritzak emandako datuen arabera, Euskal Autonomia Erkidegoak enpresa-farmazeutiko horren 54.800 dosi jaso ditu eta horietatik 50.474 jarri ditu. Denak lehendabiziko dosiak izan dira, bigarrena hiru hilabetera eman behar baita.
Osasun Sailak joan den ostiralean jakinarazi zuenez, Araban, Bizkaian eta Gipuzkoan ez da kasu larririk izan eta txerto hori hartu dutenen % 1ak soilik izan ditu bigarren mailako ondorio arinak.
AstraZenecaren txertoa 55 urtetik beherakoei zuzenduta dago. Lehen lerroan aritzen ez diren ospitaleetako lehen arretako langileei eta eguneko zentro sozio-sanitarioetako beharginei jarri zieten lehendabiziko txandan.
Ondoren, beste hainbat kolektibotako kideei jartzen aritu dira: ertzainei, udaltzainei, irakasleei, farmazeutikoei, migratzaileentzako zentroetako langileei edo fisioterapeutei, besteak beste.
Osakidetzaren egutegiaren arabera, hurrengo txandan garraio publikoko langileei, supermerkatuetako beharginei, presoei edota etxez etxe ibiltzen diren gizarte-langileei jarri behar zieten.
Nafarroan ere aldi baterako eten dute AstraZenecarekin egiten ari ziren txertaketa kanpaina. Orain arte 17.251 dosi jarri dituzte eta inork ez du tronbosirik izan, ezta bestelako ondorio larririk ere.
Nafarroako Gobernuak enpresa-farmazeutiko horren dosi guztiak atxiki ditu eta aste honetan txertoa eman behar zieten lagunei -700 bat pertsona- hitzordua bertan behera geratu dela jakinarazten hasi dira gaur arratsaldean.
Joan den otsailaren 8tik hona, 23.600 dosi iritsi dira Nafarroara eta 17.251 jarri dituzte (% 73). Astelehen honetan beste 3.200 heldu dira.
Koronabirusaren aurkako borrokan lehen lerroan aritzen ez diren osasun esparruko beste langile batzuk immunizatzeko erabili dute AstraZenecaren txertoa, hala nola fisioterapeutak, podologoak edo haginlariak.
Halaber, funtsezkoak diren beste kolektibo batzuetako langileei ere jarri diete AstraZenecaren txertoa: irakasleak eta foruzainak, besteak beste.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.