Sute batek Ondarroako udal biltegia kiskali du
Sute batek kalte material handia eragin du Ondarroako Dongre eraikinean, bertan gordetako udal brigadaren tresneria erreta. Bizkaiko suhiltzaileek itzali dute sutea.
Sua larunbatean, 02:00etan, piztu da Bizkaiko udalerriko Artabide kaleko udal biltegian, antza, zirkuitulabur batek eraginda. Ez da inor zauritu, baina eraikin horretan gordeta zegoen udal brigadaren tresnerian kalte handiak izan dira.
Mikel Santizo Ondarroako Udalaren prentsa arduradunak EITB Mediari azaldu dionez, kaleak garbitzeko eta belarra mozteko materiala eta udal brigadako langileen tresneria gordetzen dute eraikinean. Ibilgailu bat guztiz erre da, eta beste bi oso kaltetuta geratu dira.
Oraingoz, ezin izan dute bertako musika taldeen entsegu lokalak nola dauden ikusi. Baliteke eraikinak berak kalte handiak izatea. Ikerketa abiatu dute gertatutakoa argitzeko.
Bizkaiko suhiltzaileak, Ondarroan lanean. Argazkia: Bizkaiko suhiltzaileak
Zure interesekoa izan daiteke
Sei urteko kartzela-zigorra ezarri diote gizon bati bikotekidea bortxatzeagatik eta etengabe tratu txarrak emateagatik, Nafarroan
Indarkeria matxistaren biktimei arreta integrala emateko akordioak 25 urte bete ditu
Urdako tren istripuaren biktimen aldeko hileta elizkizuna azaroaren 12an egingo dute Toledoko katedralean
Orioko Udalak Jaurlaritzari galdegin dio konpon dezala berehala duela 40 egun su hartu zuen ontziak eragindako egoera
Anderren heriotzan inplikatutako agenteei espedientea egitea baztertu duen alkatetzaren dekretua errekurritu egin dute
Horrela eragingo die trafikoari eta oinezkoei Reala-Olympique Lyon partidagatik ezarritako segurtasun dispositiboak
EITB Maratoiaren bideoklipa: "Elektrizitatea"
Duela 31.500 urteko haitzuloetako lehoi baten hezurdura osoa aurkitu dute Mendaron
Euskalduna jauregia, nazioarteko Eventex sailkapenean lehena
