AstraZenecaren txertoa asteazkenean hasiko dira berriro jartzen Hego Euskal Herrian
Asteazkenean, martxoak 24, Euskal Autonomia Erkidegoa eta Nafarroako Foru Erkidegoa AstraZenecaren txertoa jartzen hasiko dira berriro. Lehenago, Lurralde arteko Osasun Batzordeak ofizialki ekingo dio berriz prozesuari bihar, astelehenean. Lurralde arteko Osasun Batzordeak dosiak nola jarriko diren zehaztuko duen dokumentu bat onartuko dute. Bi egunen buruan egongo dira prest autonomia erkidegoak.
Asteleheneko bileran, Espainiako Gobernuak eta autonomia erkidegoek AstraZenecaren dosiak jartzeko kanpaina behin behinean gelditzea erabaki zuten. Txertatutako zenbait pertsonarengan tronbosi kasuak detektatu eta gero, Europako zenbait Estatuk agindu bera eman zuten, eta horren ostean etorri zen Lurralde arteko Batzordearen erabakia. Lehenago, hala ere, Sendagaien Europako Agentziak esana zuen txertoa segurua zela.
EMAk ikerketarekin jarraitu zuen, eta behin betiko dokumentu bat plazaratu zuen ostegunean. AstraZenecaren txertoa "segurua" eta "eraginkorra" dela ondorioztatu zuen, nahiz eta ezin izan duten erabat baztertu tronbosi kasu arraroekin harremana dutela, eta Lurralde arteko Osasun Batzordeak txertaketari berriro ekiteko presazko erabakia hartu zuen.
Emer Cooke EMAren zuzendariak azpimarratu du adituak "ondorio zientifiko argira" iritsi direla. Txertoa covid-19aren aurka herritarrak "babesten" ari dela eta ez duela odolbilduen "ugaritzearekin harremanik" ondorioztatu dutela azaldu du.
EMAk ohar bat gaineratuko du sendagaiaren informazioan, medikuan jakin dezan odolbildu kasu batzuk izan direla eta harremana egon daitekeela.
Frantziar Estatuak aldi baterako erabaki bera hartu zuen, baina ostiralean ekin zion berriro txertaketari, eta egun horretan dosiak berriro jartzen hasi ziren Ipar Euskal Herrian.
Asteburuan zehar, Espainiako Gobernuaren eta Osasun Publikoko Batzordearen aholku taldeek EMAren erabakia aztertu dute eta dosi horiek nori jarriko dioten ikertu dute. Astelehenean, Lurralde arteko Batzordeak proposamen horiek eztabaidatu eta behin betiko dokumentu bat onartuko du, txertoaren inokulazioaren inguruko erabakiak hartuz.
Carolina Darias Osasun ministroak azaldu zuenez, AstraZenecaren txertoa ematen jarraitzea erabaki ostean, erkidegoetako gobernuek dena prestatzeko denbora izan dezaten erabaki dute txertaketa asteazkenean berrabiaraztea.
Eusko Jaurlaritzak emandako datuen arabera, Euskal Autonomia Erkidegoak enpresa-farmazeutiko horren 54.800 dosi jaso ditu eta horietatik 50.474 jarri ditu. Denak lehendabiziko dosiak izan dira, bigarrena hiru hilabetera eman behar baita.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.